Minnerpaatut qinnuteqaatip imarissavai:
- Suliniutip suunera erseqqissumik allaaserineqassaaq. Sukumiisumik nassuiarneqarnera. NAPAp immikkut pingaartitaanut pingasuusunut minnerpaamik pingaartitamut ataatsimut suliniutip attuumassuteqarnissaa piumasaqaataavoq
- Suliniummut missingersuut, aningaasartuutit, isertitat namminerlu akiliut ilanngullugit
- Suliniummut atatillugu anguniagassat piffissalersorneqassapput
- Suliniummi peqataasut CV-at
- Suliniummi suleqatigisanut suleqatigiinnermut isumaqatigiissutit
- Soqutigisaqartut oqaaseqaatat innersuussutaallu ilanngunneqarsinnaapput
Nunat avannarlerni piorsarsimassutsikkut tapiisarfiit arlallit quppersagaqarput, qinnuteqaasiornissamut siunnersuutinik imalinnik. Qinnuteqaasiunnginnermi aningaasaateqarfiup ilitsersuutai sukumiisumik atuarnissaat isumassarsiatsialaavoq.
Aningaasaateqarfinnut qinnuteqaasiornissamut atatillugu siunnersortinnissaq pillugu NAPAp attaviginissaanut tikilluaqqusaajuaannarputit.
Qinnuteqaat pitsaasoq qanoq ittuua? Suut pingaartinneqassappat … suullu ilannguPingasoqiusanngorlugu apersukkat Mats Bjerde, Uffe Most Sóley Danielsen-ilu uani qinnuteqaatinnut siunnersuutitsialannik isumassarsiorfigisinnaasannillu siunnersuuteqarput. Minutsit arfineq-pingasut ilunni ilaatigut makku akissutissarsissavatit:
- Qinnuteqaat pitsaasoq qanoq ittuua
- Qinnuteqaammi suut ilanngunneqassanngilllat
- Suut kukkussutaakkajuppat suullu ajutoorfiusinnaappat
Mats Bjerde NAPA-mi 2014-imit 2019-imut pisortaavoq. Uffe Most NAPA-mi 2016-imit 2019-imut siulersuisunut siulittaasuuvoq. Aamma nipilersornermik ilinniarfimmi aqutsisuuvoq erinniortuullunilu. Sóley Danielsen NAPA-p siulersuisuini 2017-imit 2019-imut ilaasortaavoq. Savalimmiormiuuvoq, isiginnaartitsisartuulluni, ilitsersuisuullluni aamma isiginnaagassianik ilinniartitsisuulluni.
Podcasti skandinaviamiusut oqaasertaqarpoq.