Nunatta Atuagaateqarfiata NAPA-llu atuakkiortut atuakkiaat pillugit oqaloqatigiitsissavaat
Atuakkiortut Niviaq Korneliussen aamma Islandimeersoq Auður Ava Ólafsdóttir atuakkiaminni sammisarisaat imminortarneq Nunatta Atuagaateqarfiata NAPAllu oqaluuseritilerpaat
Marlunngorneq 27. oktober nal. 19.00, Nunatta Atuagaateqarfia
Unnuk marlunnik immikkoortortaqassaaq. Immikkoortoq siulleq 19:00-imiit 20:00-ip tungaanut ingerlassaaq, tassanilu Niviaq Auðurilu oqaloqatigiissallutik. Immikkoortoq siulleq tuluttut ingerlanneqassaaq. Denne del vil foregå på engelsk. Oqaloqatigiinneq Andrea Christiansen tusagassiortoq KNR Radiomeersumiit ingerlanneqassaaq.
Immikkoortup aappaa nal. 20:00-imiit 20:30-p tungaanut ingerlanneqassaaq tassanilu Niviaq apeqquteqarfigisinnaavat.
Aaqqissuussaq Nunat avannarliit siunnersuisoqatigiivisa atuakkiortunut narsornaasiinerannut atatillugu ingerlanneqassaaq, ullormi tassani nersornaasisitsisoqarnerani. Unnuk NAPAmiit taperneqarnikuuvoq.
Naasuliardarpi Niviaq Korneliussenimiit allanneqarpoq arnaq Nuumminngaaneersoq tassani inuttaalluni. Imminut toquttumik nalaataqaqqaarpoq 13-inik ukioqarluni. Nammineq Tasiilami qaqqarsuit akornanni iliveqarusuppoq, iliveqarfimmi ilerrit ateqanngitsut Naasuliardarpimmiittut naasuusanik plastikkinik uleqqasut, apummi minguitsumi nilliasullusooq akornanni. Aappaqarpoq asasaminik, ilaqutaqarluni isumassuilluartunik, qanittumilu Aarhusimi universitetimi ilinnialernissaminut akuerisaaqqammerpoq. Silarsuaq ammavoq, sunali tamarmi pissusissamisuunngitsutut ippoq, kigaatsumillu silarsuaa nerukilliartulerpoq kingumullu kisitsineq aallartippoq.
Niviap atuakkiaa siulleq HOMO sapienne Nunat Avannarliit Siunnersuisoqatigiivisa Atuakkiortunut Nersornaasiuttagaannut innersuussaavoq 2015-imi.
Auðuri inuit aliasuttut imminnullu nassaariniarsarisut allaaserivai. 2018-imi atuakkiaa Ar Nunat avannarliit siunnersuisoqatigiivisa atuakkiortunut nersornaasiuttagaannik nersornaaserneqarpoq. Atuakkiaa angummut tarnimigut timimigullu qilerulimmut imminorusuttumut tunngavoq. Kisianni avatimini pisut eqqarsaatigisariaqaleramigit inuunermut uteqqikkiartuaalerpoq.
Pisarnitsituut najoqqagassaqarumaarpoq.
Nunatta Atuagaateqarfiata Facebookiatigut aqqissuussaq liverneqarumaarpoq peqataanerlu akeqarnani.
Nutaarsiassat allat
Kalaallit inuusuttai Nordjobbi aqqutigalugu suliartorusuttut amerleriangaatsiarsimasut
Assi: Siunissami kalaallit nordjobberit immaqa Geirangerimi, Norgemi saqisuusinnaapput. Nordjobb tassaavoq inuusuttunut 18-30-nik ukiulinnut, nunat avannarliit ilaanni allami ukiup ingerlanerani sulerusuttunut, neqeroorut. Kalaallit Nunaannit Nordjobbimut qinnuteqartartut amerleriangaatsiarsimapput. Nordjobb tassaavoq inuusuttunut 18 aamma 30-nik ukiulinnut, piffissami aalajangersimasumi nunat avannarliit ilaanni suliartorusuttunut, neqeroorut. Nordjobbi Nunani Avannarlerni tamani
“Issittoq akimorlugu suleqatigiinneq” oqallinnermi oqariartuut pingaarnerpaavoq
Issittormiunit sinniisut Nuummi katersuupput innuttaasut upalungaarsimanerannut, ujaasinermut annaassiniarnerlu (SAR) aamma Issittumi suleqatigiinnerup ataqatigiissaarinerullu pingaaruteqassusiannut tunngasunik oqallinnernut marlunnut peqataajartorlutik. Aaqqissuussinermi Nunat Avannarliit Killiit Ulluat aamma Nunat Avannarliit Issittumut tapiisarfiata ukiunik 30-nngortorsiorneranik nalliuttorsiornermut atatillugu ingerlanneqarpoq. Oqallinnermi peqataasussat: Lars Borris Pedersen – Qamutit SAR, Nuummi teamlederi Iddimanngiiu Bianco – Kalaallit
Suialaa Arts Festival 2025-mut kingumut qiviarneq
Suialaa Arts Festival 2025 Nuummi ulluni 23.–26. oktober ingerlanneqarpoq. Festivali tassaavoq Kalaallit Nunaanni kulturilerinermik festivalit annersaat, taanna ukioq allortarlugu ingerlanneqartarpoq. NAPA festivalimik tanngassimaarluni piginneqataavoq Kommuneqarfik Sermersooq peqatigalugu. Ukioq manna festivalip Nuuk tamaat siaruarterfigisimavaa tusarnaartitsisoqarluni, qitinnermik isiginnaartitsisoqarluni, saqqummersitsisoqarluni, atuakkialerinermik aaqqissuisoqarluni, isumasiortoqarluni, workshoppertitsisoqarluni aamma eqqumiitsuliortunut isiginnaarianullu ataatsimut
Ikaarsaarneq – Arctic Winter Games 2026
Ikaarsaarneq isiginnaagassiaavoq timikkut aalanermik nipilersornermillu imalik, Katuap inersuaaqqaani marsip tallimaani takutinneqassaaq Nuuk Snow Festip ingerlanneqarneranut atatillugu. Isiginnaagassiaq AWG-mi Canadami Whitehorsemi takutinneqassaaq. Isiginnaartitsinermi kalaallit kulturikkut kinaassusiat, anersaakkut ittunik pingaartitsinerat allanngorsimanerallu sammineqarput – isiginnaartitsisartut inuusuttut nipaat, aalaneri eqqumiitsuliornerillu atorlugit oqaluttuarineqartut. Isiginnaartitsisut:Uilu JakobsenNikku KanuthsenAyla LarsenSmilla VahlZoe Løvestrøm Ilitsersuisoq:Varna Marianne