Nunat Avannarliit Issittumut Tapiisarfiat pillugu webinarertitsineq
Issuttumi nunanilu avannarlerni inuiaqatigiit piujuartitsisumik ineriartornerannik nukittorsarniarlugu suliniuteqarpit imaluunniit siunissami taamaaliorusuppit? Taava webinarertitsinissarput ilinnut piukkunnassaaq.
Nunat Avannarliit Issittumut Tapiisarfiat NAPAp saqqummiinerannut peqataagit – Tapiisarfik Nunat Avannarliit Ministeriisa Siunnersuisoqatigiivisa ataaniippoq, anguniagaalu tassaavoq:
- Issittumi kinguaariit akimorlugit najukkani inuiaqatigiinnik orniginartunik aamma inooqatigiinnikkut attanneqarsinnaasunik ineriartortitsinermut toqqaannartumik tapersersuineq
- Najukkami inuussutissarsiornikkut ineriartornermik aamma Issittumi aningaasaqarnikkut atajuartussamik siuariartornermik tapersersuineq
- Mingutsitsinngitsumik nukissiornermut allannguinermut siuarsaanermut aamma nunap immikkoortortaani atajuartussamik aningaasaqarnikkut kaaviiaartitsinermut toqqaannartumik tapersersuineq
Suliniummut ataatsimut 500.000 koruunit tikillugit tapiissuteqarnissamut qinnuteqarsinnaavutit. Suliniutit minnerpaamik nunanit avannarlernit pingasuneersuusariaqarput (Kalaallit Nunaat, Savalimmiut, Åland, Island, Norge, Sverige, Finland aamma Danmark).
Qinnuteqarnissamut killigitaq: Februarip 15-iat
Webinarimi sammineqassapput suliniummut piumasaqaatit, siunertat qinnuteqarnermullut periutsit. Aamma NAPA-mi siunnersortimut Pipaluk Lykkemut toqqaannartumik apeqquteqarsinnaavutit.
Webinari tuluttut ingerlanneqassaaq immiunneqarumaarlunilu kingornalu NAPA-p nittartagaani siammarterneqarumaarluni.
Inunnut ataasiakkaanut kattuffinnullu soqutiginnittunut tamanut ammavoq.
Apeqqutissaqareerpit imaluunniit oqaloqatigiumalluta isumaqatigiissuteqarusuppit? Pipaluk Lykke attavigiuarsinnaavat uunga pipaluk@napa.gl imaluunniit napa@napa.gl.
Aaqqissuussaq allanut peqataarusussinnaasunut ingerlateqqissinnaavat.