NAPA praktikkertussamik ujaarlerpoq
Nuummi eqqumiitsuliornermik tunngasunik kulturilerinermillu suliaqarneq misilikkusuppiuk? Taava NAPA-mut qinnuteqarit.
NAPA – Nunat Avannarliit Piorsarsimassutsikkut Attaveqaat ataatsimik marlunnilluunniit praktikkertussanik ujaarlerpoq.
Nunani Avannarlerni Piorsarsimassutsikkut Attaveqaat – NAPA tassaavoq suliffeqarfik kulturimut tunngasunik suliaqartartoq, Nunani Avannarlerni Ministerit Siunnersuisoqatigiivisa ataanni inissisimasoq, nunatsinnilu illoqarfiit pingaarnersaanni Nuummi allaffeqartoq. Kalaallit nunaanni nunanilu avannarlerni kulturilerisut suliaannik ineriartortitseqataavugut, tapiisartuuvugut uummarissaasuullutalu, meeqqanut inuusuttunullu suliniutit salliutillugit. Inuuniutigalugu inuuniutiginagulu kulturilerisunut tapiisarpugut, soorlu aamma suliniutinik nammineq aallartitsisartuuvugut nunani avannarlerneersut kalaallillu kulturilerisut suleqatigalugit.
Praktikkertutut kulturimut tunngasunik suliffeqarfimmik ingerlatsisuni sulissaatit aamma suliassat assigiinngitsunik suliaqarlutit, soorlu ilaatigut suliniutinik aaqqissuussinermik, nittarsaassinermik aammalu nunat avannarliit issittumilu eqqumiitsuliornermi kulturimullu tunngasut suliniutitsinnut ikiuutaasinnaavutit.
Kalaallit Nunaanni, Nunani Avannarlerni, Issittormiuni aamma nunani baltiskiusuni kulturimik paarlaasseqatigiittarnermik suliaqartut suleqatigilissavatit. Issittormiut Nunani Avannarlerni tamani eqqumaffigineqarlutillu akuerineqarnissaat suliassatta pingaarnerit ilagaat.
Suliassanik tamatigoortunik suliaqassaatit – isumassarsianik nutaanik nuannersunillu inissaqartumik.
Pisussaaffiit:
- NAPAp suliniutaanik ataqatigiissarinermi aaqqissuusinermullu ukuninnga ikiuineq
- Meeqqanut inuusuttunullu suliniuteqartunik attanneqarsinnaasumik ingerlatsineq
- Eqqumiitsuliornermik inuussutissarsiuteqartunut ineriartortitsineq
- Issittup Nunat Avannarliillu akuunerat
- Eqqumiitsuliornermik kulturilerinermillu aaqqissuussanut nittarsaassinermut ikiuineq
- Eqqumiitsuliortuusinnaasunik aamma aaqqissuussinermut eqqumiitsuliortunik misissuineq aamma ujartuineq
- Eqqumiitsuliornermik kulturilerinermillu aaqqissukkanut ikiuineq, soorlu pikkorissaanernut imaluunniit oqalugiaatinut
- Suliassat takkussortunik ikiuineq
Pisinnaasat:
Suliassanik ilusilersuisinnaaneq aamma pilersaarusiorsinnaaneq kiisalu suliassatsinnik ataqatigiissaarisinaaneq
Ersarittumik peqqissaartumillu sullinniakkanut paaseqatigiinnilimmik attaveqaqatigiissinnaaneq
Namminersorluni sulisinnaaneq aamma suleqateqarsinnaanermik piginnaasaqarneq
Sivisunerusumik ingerlatassamik ingerlariaqqiffiusumillu ilinniagaqartuunerit takorloorparput, ilinniarnerit allamut sammigaluarpalluunniit qinnuteqarnissannik kaammattorpatsigit.
Qinnuteqaatit, CV-t aamma soraarummeernermut uppernarsaammik peqaruit uatsinnut kingusinnerpaamik 4. januar 2022 nassiussimassavatit uunga napa@napa.gl.
Oqaloqatiginninnerit tamatuma kingorna piaarnerpaamik ingerlanneqassapput.
Apeqqutissaqaruit uunga allassinnaavutit: soeren@napa.gl
Nutaarsiassat takunngitsoorpigit?
NAPA Kalaallit Nunaanni
Nunani Avannarlerni suleqatiiinneq periarfissallu pillugit NAPA-p suliai pillugit ilisimasakippallaartoqarpoq. Taamaattumik ukiaq manna angalanermut missingersuutigut atorlugit kulturilerisut, inuusuttut inersimasullu ilisimasaqarnerulertinniarlugit Kalaallit Nunaata ilaani angalaarsimavugut. Angallat TU ilaaffigalugu Nuup Kujataanilu Aappilattup akornanni illoqarfiit nunaqarfiillu ukiaq 16-it ornissimavagut, novemberimilu Tasiilamiippugut Sisimiuniillutalu. Meeqqat, inuusuttut inersimasullu kulturilerisut naappinnissaat ilaatigullu NAPA-p
Nunat Avannarlermioqatigiinni inuusuttunut aningaasaateqarfik
DUF – Dansk Ungdoms Fællesråd – 1940-kkunnili inuusuttut tamat oqartussaaqataanerannut ataatsimoornermullu ineriartortitsinissaanut soqutigisaqalersimavoq. Tassannga suliniut Nordens Unge i Bæredygtige Fællesskaber – NUBF – pilersinneqarsimavoq, avannarlermioqatigiit inuusuttai nutaatut ataatsimooqatigiinnermut nukittorsaanissaminnut periarfissinneqarsimallutik. NUBF-ip piujuartitsinermik tunngaveqarluni ataatsimooqatigiinnissamut kulturikkullu suniutinut peqataatitaqarnisamut Nunat Avannarliit akimorlugit suliniuteqartuuvoq inuusuttullu periarfissinniarlugit aningaasaliissuteqarsinnaasunik pilersitsisimallutik.
Nunani Avannarlerni suliniutinnut aningaasaliiffigineqarit
Nunani Avannarlerni suliniutinnut aningaasaliiffigineqarit Nunani Avannarlerni kulturikkut suliniutinut taperneqarnissamut periarfissarpassuaqarpoq. Taakku ilagaat NAPA-p kulturimut tapiisarnera, kisianni allarpassuaqarpoq. Nordisk Kulturkontakt aqqutigalugu aningaasaateqarfiit arlallit qinnuteqarfigineqarsinnaapput, taanna Helsingforsimi Finlandimi nunat avannarliit ataanni kulturikkut suliffeqarfiuvoq Nordisk ministerrådip kulturikkut suleqatigiinnermut aningaasaateqarfinnut arlalinnut programmia Nordisk Kulturkontaktip aqutaraa, aamma nunani avannarlerni-baltikumimi nunani
NAPA nunat avannarliit oqaatsit pillugit ataatsimooqatigiiffii pillugit webinarimi peqataassaaq
NAPA-p nunani avannarlerni oqaatsit pillugit podcastia (N)ORD aallaavigalugu podcastiliortut Malin Corlin aamma Per Bloch Nunani Avannarlerni Ministerit Siunnersuisoqatigiivisa nunat avannarliit oqaatsit pillugit ataatsimooqatigiiffii pillugit webinarianut “Har Norden et språkfellesskab?” (Nunat Avannarliit oqaatsitigut ataatsimoorfeqarpat?) pillugu peqataanissamut qaaqqusaasimapput. Webinari pissaaq sisamanngorneq 18. marts nal. 13-14.30 (CET). Malin