NAPA – Nunani Avannarlerni Piorsarsimassutsikkut Attaveqaat –inuussutissarsiutit nutaaliorfiusut piujuartitsisullu pillugit siuarsaasinnaasumik siunnersortissarsiorpoq
Issittoq Nunallu Avannarliit nunarsuarmi akuutitsinerpaanngorteqataaffigerusuppigit aamma inuussutissarsiutit nutaaliorfiusut piujuartitsisullu pillugit ineriartuineq tapersersorusullugu?
NAPA Nunat Avannarliit Ministeriisa Siunnersuisoqatigiivisa ataanni suliffieqarfiuvoq sisamanik suliaqarusulluartunik sulisulik, taakkulu suleqatitaarusupput! Suliassatta pingaarnersaraat Nunat Avannarliit Ministeriisa Siunnersuisoqatigiivisa periusissiaata piviusunngortinnissaa. Suliassaraagut:
- Piujuartitsinermik unammillersinnaanermillu qulakkeerinninneq. Inuussutissarsiutit kulturileriffiusut nutaaliorfiusullu qitiutippagut.
- Issittumi paasinneriaatsit Nunani Avannarlerni tamani takuneqarnissaat akuerineqarnissaallu anguniarlugu sullissineq.
- Piujuartitsisumik ineriartorneq anguniarlugu sullissineq – ingammik meeqqat inuusuttullu qitiutillugit.
Suliassatit pingaarnerit tassaassapput NAPA-p sammisassaani nutaani ineriartortitsinermik suliaqarneq. Amerlanerit nutaaliortitsisarnerminnik inuuniuteqalernissaat anguniarparput. Taamaalilluta inooqataanikkut aamma aningaasaqarnikkut piujuartitsineq pilersissavarput. Isumassarsiamit peqataatitsinermillu aningaasassarsiornermut aamma sammisat atuutsilernerinut.
Peqatigitillugu naatsorsuutigisinnaavat tunngaviusumik ingerlatsinitsinni suliassat ilaannik peqaataallutit suliaqarnissat; infoNordenimut atatillugu paasissutissiisarneq, tapiisarfitsinnut qinnuteqaatit, Nordplus aamma Nordjobb pillugit paasissutissiisarneq.
Ujarpatsigit ima piginnaasalik:
- Aaqqissuulluagaasumik sulisinnaasoq
- Allaffissornikkut suliassanik misilittagalik nuannarisalillu
- IT-mik suleriaatsinik assigiinngitsunik misilittagalik
- Kulturilerilluni nutaaliorlunilu inuussutissarsiornermi sinaakkutissaannik ineriartuinissamut piginnaasaqarneq
- Inunnik attaveqallaqqissuuneq, pisariaqartitaannik paasinnillaqqinneq aamma taakkuninnga sammisassanik malunnaatilinnik ineriartortitsisinnaaneq
- Kulturinik assigiinngitsunik paasinnissinnaaneq. Kalaallisut, tuluttut minnerpaamillu skandinaviumiut oqaasiinik ataatsinik piginnaasaqarneq
- Kalaallit Nunaanni aamma nunani avannarlerni kulturilerinermi inuunermut ilisimasaqarneq aamma attaveqarfeqarneq iluaqutaassaaq kisianni piumasaqaataanngilaq.
Neqeroorutigaagut:
- Piginnaasat aallaavigalugit akissarsiat, matumani immikkut siunnersortitut imaluunniit chefkonsulentitut atorfininninnissamut periarfissaqarneq.
- Suleqatigiinnut atornitsinneqarneq, ulapillutalu nuannisartarpugut
- Sulinermut avatangiisit nalinginnaasumik pitsaasut aamma nikersarsinnaasut, matumani:
Sulinermut piffissaq nikerarsinnaasoq
Angerlarsimalluni sulinissamut periarfissaqarneq
Angerlarsimaffimmi oqarasuaatip internetillu akiliunneqartarnerat
Timersornissamut akiliunneqarluni pisartagaqarneq
Atorfininnermi ukiuni sisamanik killilimmik piffissaligaasuuvoq ukiunilu sisamanik sivitsuinermik periarfissaalluni. Naalagaaffimmi nunani avannarlerni atorfeqartoq uagutsinni suliffeqartilluni suliffimminiit sulinngiffeqarsinnaatitaavoq. Sulisut nunani avannarlerninngaanneersut nuunnermi atatillugu taarsiissuteqarsinnaapput.
Inissaq aamma nunat avannarliit akornanni nuunnissamut tapersersorneqarneq
Namminersorlutik Oqartussat NAPA-mi sulisunut inissaqartitsinissamut ikiuinissaminnut pisussaaffeqarput. Piffissap aatsaat ingerlareernerani nammineq initaarnissaq pisartoq misilittakkat takutippaat. Qinnuteqarninni allassavat Nuummi inissannik pisariaqartitsinerlutit. NAPA nunat avannarliit akornanni nuunnermut Nunani Avnnarliit Ministeriisa Siunnersuisoqatigiivisa malittarisassaat malillugit tapiisinnaavoq.
Assigiinngiaassuseq aamma suiaassuseq utoqqaassuserlu naligiissuunissaanut suliffitsinni sulissutigaarput, aamma nunani avannarlerni sulisoqalernerunissaa anguniagaarput.
Qinnuteqaat
Qinnuteqaat, CV kiisalu allagaatit naleqquttut uatsinneeriissapput kingusinnerpaamik maajip 10-iani 2023 qallunaat nalunaaqutaa malillugu nal. 23.59. Oqaloqatiginninnerit Nuummi naapinnikkut imaluunniit digitalimik ingerlanneqassapput qinnuteqarnissamut killissarititaasup kingorna ullut 1-10-t qaangiuppata.
Paasisaqarnerorusuppit? Apeqqutissaqaruit, uunga emailikkut allannissannut Søren Würtz, soeren@napa.gl imaluunniit nal. 9-16 nunatta nalunaaqutaa malillugu akornani uunga +299 23 62 23 sianernissannut tikilluaqqusaavutit. NAPA pillugu uani atuarnerusinnaavutit napa.gl
Atuutsitsineq isumaqatigiissut malillugu piumaarpoq.
https://www.norden.org/da/vacancy/napa-nordens-institut-i-groenland-soeger-raadgiver-med-flair-fremme-baeredygtige-kreative
Nutaarsiassat takunngitsoorpigit?
Inatsisit demoktratilu pillugit atuagaq atuartitsissut
Nuummi Eqqumiitsulianik Saqqummersitsivik aamma eqqumiitsuliortoq Stine Marie Jacobsen Law Shifters pillugu atuakkamik saqqummersitsisimapput. Law Shifters tassaavoq eqqumiitsuliornermi suliaq meeqqanut inuusuttunullu sammisoq, eqqumiitsuliortumit Stine Marie Jacobsenimit pilersinneqarsimasoq. Law Shifters 2019-imi Nuummi Eqqumiitsulianik Saqqummersitsivimmiissimavoq. Ukiuni kingullerni arfinilinni nunani arlalinni ingerlaarsimavoq. Law Shiftersip innuttaasut inuusuttunik inatsisit demokratilu
UNLEASH Kalaallit Nunaat qinnuteqarfigineqarsinnaalerpoq
Ullut 20. aamma 27. august 2022 akornanni UNLEASH Nuummi nunap immikkoortuani pinngorartitsiffiliorniarpoq! Tassani inuusuttut piginnaanillit Issittormiut-Nunat Avannarlermiut 200-t 18-35-nik ukiullit katersuutissapput. Nunanit taakkuninnga tamanit inunnit ikiuisartunit ilisimasaqarluartunillu ikiorneqarlutit Piujuartitsilluni Ineriartortitsinissaq pillugu Nunarsuarmi anguniagassap anguneqarnissaanut pinngorartitsillutit nutaaliorlutit ineriartortitsisinnaavutit. Taakku saniatigut illit pilersaarutitit anguniarlugit eqimattani sulissaatit! UNLEASH
Attaveqaqatigiinnermi suleqataasoq ingerlariaqqilersoq
Bula Larsen NAPA-p allaffianit ilisarisimaneqarluarpoq. Tassami ukiuni 2000-mit 2004-mut NAPA-meereersimavoq. NAPA-mut uterusulluni eqqarsaatigisarsimallugu 2019-imi inuttassarsiuutaq takugamiuk qinnutigaa atorfininnissaminillu neqeroorfigitilluni. Taanna nangaassuteqarani akueraa. Maannalu Bulap inuulluaqqunissaanut piffissanngungajalerpoq, tassami Danmarkimut ungasinngitsumi nuulermat. Bula Kulusumi Kitaamiunik angajoqqaaqarluni inunngorsimavoq, Ilisimatusarfimmillu Oqaasilerineq, Atuakkialerineq Tusagassiutilerinerlu Bacheloriuffigalugit. Bula sumiuunerluni aperineqaraangami akisarpoq kalaalliuni.
Siunissamut ikaartarfik
Nunani Avannarlerni Piorsarsimassutsikkut Attaveqaat – NAPA-p ukiorpaaluit inuusuttut namminneq ineriartorsinnaanissaannut periarfissanik tuniorartarsimavai. Periarfissat eqqumiitsuliornerminnaq atuutsinngillat, ilinniagaqarnermulli aamma attuummassuteqarlutik. Taamaammat NAPA ilinniartunutNuummi allaffeqarfitsinni praktikkersinnaanissamut periarfissiisarpoq. NAPA suliffeqarfiuvoq assigiingitsunik kulturimut tunngasunik suliaqartartoq. Anguniakkatta akornanniippoq, kalaallit nunallu avannarlermiut allat kulturilerisut inuunerannik ineriatortitseqataanissaq, tapiisarneq uummarissaanerlu, meeqqanut unuusuttunullu suliniutit salliutillugit.