Sermip Kunngiata Pania Imm. II – kulturikkut kingornussarsianik piujuaannartitsinermik tunngavilik

Saqqummersitsineq pilersinneqarpoq qallunaap haute-couturenik atisaliortartup Jørgen Simonsenip, Nunatta Katersugaasiviata Nuummiittup, mersortarfiup Kittat Nuummiittup, Great Greenlandip, Sisimiuniittup kalaallisuuliorfiup aamma NAPAp suleqatigiinnerisigut. Saqqummersitsinermi atisaliat tallimat, Jørgen Simonsenimit suliarineqartut – kalaallisuut isumassarsiorfigalugit – ilaatigut Kittat Kalaallisuuliornermillu Ilinnairfiup suleqatigalugit suliaapput.

Katersugaasivimmut qaaqqusaavutit tassani Jørgen Simonsen naapissinnaaniassagakku, suliniut pillugu paasisaqarnerusinnaagavit aammalu Sermip Kungiata Panianut atatillugu titartagaatai atisaliorfissuarmi Versacemi atisanik takutitsinersuarmi 1998-imi tunngaviusut atisaliallu nutaaviit takusinnaaniassagakkit.

Katuap Inersuaaraani tamanut ammasumik suliniut pillugu oqallitsitsissaagut ataasinngornermi januaarip 23-ani nal.

19-21.
Tamassi tikilluaqqusaavusi.


Nordplus aamma Hallo Norden NAPAmi - Nordens Institut i Grønland

Inoqqaaqatigut saamit 9. klassemi takusassarsiornitsinni soormi naapikkutsigit? Nalunngisiuk Nordplus aqqutigalugu nunani avannarlerni killeqarfiit akimorlugit klassit suleqatigiissinnaammata tikeraaqatigiillutillu, Island, Finland, Sverige allaluunniit takorluulaakkit?  NAPAp Katuami allaffia sumut atorneqartarnersoq paasisaqarfiginerorusukkukku, Nordisk Ministerrådip paasissutissiisarfittaava Hallo Norden alakkaruk. Hallo Norden tassaavoq nunani avannarlerni innuttaasut nunat avannarliit arlaannut nuunniarneranni apeqqutinik akiuisinnaasoq. Nunat Avannarliit arlaannut ilinniariarusuttunut suliffissarsiorusuttunulluunniit Hallo Norden ikiuussinnaavoq, soorlu qinnuteqaasiornermi, ilinniarfissat pillugit, napparsimalernissamut sillimmaserneq, akileraartarneq, atuarfeqarneq aamma akitsuutinut tunngasut.