”Anaanaga” tassaavoq meeqqap anaanaminik ”ilisarititsinera”. Suliniummi apeqqutit puttallartut tassaapput , meeqqat kusanartuliornerat qanoq ippa aamma silarsuartik inuuffitsik qanoq oqaluttuariniarpaat?

Katersat kingorna Nuummi Eqqumiitsulianik Katersugaasivimmi Nuuk Kunstmuseumimi Unnuk Kulturisiorfimmi januaarip 23-ani 2016-imi saqqummersinneqarumaarput. Saqqummersitat sinerissami kingusinnerusukkut saqqummersinneqarumaarput, ilaatigut Ilulissat Kunstmuseumimi.

Meeqqat inuusuttullu titartagaat eqqumiitsuliallu allat Meeqqat Eqqumiitsuliaannik Nunarsuarmit tamarmeersunik Katersugaasiviat Oslomiippoq – katersugaasivimmi tassani meeqqat kulturikkut oqaluttuarisaanermik isiginneriaasiat takutinniarneqarpoq. Taama aamma ippoq Anaanaga – saqqummersitaagaluarluni minneroqisoq. Apeqqutit akineqartussat tassaapput: Anaana suua? Anaana susarpa? Aamma anaana soqatigineqartarpa? Meeqqat inuusuttullu anaanartik assilialiarisinnaavaat?

Meeqqat inuusuttullu suliaat eqqumiitsuliatut piorsarsimassutsikkullu oqaluttuarisaanermut ilaalersussatut isigineqarput. Inersimasoq ila qanormitaavaana meeqqat isaanni ittoq, aamma qanormitaava oqaluttuarissavaat?

Suliniut aallartippoq, Oslomi meeqqat eqqumiitsuliaannik katersugaasiviata (Barnekunstmuseet i Oslo) saqqummersitaasa takoreernerisigut isumassarsinikkut. Oslomi meeqqat kulturikkut oqaluttuarisaanermut atatillugu titartagaat eqqumiitsuliatut isineqarput.


Anaanaq aamma tassaavoq meeqqamik isumassuisuni pingaarnerpaaq, taamaammat pissangagisimavarput meeqqat namminneq isumassuineq qanoq titartakkamikkut takutissaneraat. Sumiginnaanerit Nunatsinni pisartut akuttunngitsumik tusartaannarpagut, ilaannilu nutaarsiassat sumiginnaanermut tunngasut tassaasarput Nunanut Avannarlernut anngututuat. Oqaluttuat Nunatsinneersut meeqqat anaanap sunaaneranik namminneq titartagaasigut takutillugulu oqaluttuarineqarportaaq.

Saqqummersitsineq Nuummi Eqqumiitsulianik Katersugaasivimmi allarneqarpoq arfininngornermi januaarip 23ani 2016 nal. 16.

Saqqummersitsinermut atatillugu titartakkat qanoq ataatsimut oqariartuuteqarnerannik isummat saqummersinneqassapput.

Suliniummut tunngatillugu allakkat, titartakkaminnik allat nassiussisinnaanerannut tunngasoq, atuarfinnut, suliffeqarfinnut assigiinngitsunut angajoqqaanullu ingerlateqqitassat suliarineqarput. Allakkat ugguuna aasinnaavatit.