Nuuk Nordisk Kulturfestival 2017

Nuuk Nordisk tassaavoq ullutsinni pisut pillugit aamma piorsarsimassutsikkut pisut pillugit katersuunneq, nutaaliornerit, avataaniit isiginnaartitsinerit, nipilersornerit allarpassuillu eqqumiitsuliornerup silarsuaanni saqqummiussinerit. Sapaatip akunnerata ataatsip ingerlanerani pissussarpassuit 50 sinnerlugit Kalaallit Nunaanni illoqarfiit pingaarnersaanni Nuummi ingerlanneqartartoq.

Isiginnaartitsinerit, qitinneq, assiliat, nipilersuutit, atuakkat allarpassuillu isiginnaartitsisarfini, atuagaateqarfinni, illoqarfimmi, quersuarni suliffeqarfinnilu illoqarfik tamakkerlugu takutinneqassapput.

Nunat Avannarliit Nuummi Kulturisioqatigiinneranni eqqumiitsuliortut, takutitsisut, isiginnaariat, kajumissutsiminnik sulisut kultureqarfiillu qanimut suleqatiginerisigut kulturiliussaagut. Nuummi Kulturisioqatigiinneq Nuuk pillugu ingerlanneqarpoq, taamaattorli kulturisioqatigiinnissaq tassaavoq eqqumiitsuliortut kulturilerisullu nunat avannarlerneersut naapittarfiat immikkuullarissoaq, nutaaliornissamut inissaqartitsillunilu periarfissiisoq.

Nunat avannarliit issittorlu ataatsimoortinnerisigut oqaluttuarisaanikkut, kulturikkut anersaaliornikkullu avannarliit suleqatigiinneranni isiginnittariaatsit kulturisioqatigiinnermi misissorneqassapput. Taamasilluni kulturisioqatigiinnerup immitsinnut isiginnittariaaserput unammillissavaa nunarsuarmullu isiginnittariaatsinik nutaanik takutitsissalluni.

Takutitsinerit, tusarnaartitsinerit, saqqummersitsinerit atuaanerillu saniatigut eqqumiitsuliortut isiginnaariallu isumassarsitinniarlugit amerlasuunik allanik sammisaqartitsisoqassaaq, soorlu workshoppit, isumasioqatigiinnerit, oqalugiarnerit il. il.

Kulturisioqatigiinneq 2015-mi pinngorpoq ukiorlu ataaseq allorlugu Nuummi pisarluni.