.
Nunat Avannarliit Nuummi Kulturisioqatigiinnerat 2015
Eqqumiitsuliortut 100-nut, pisussat 40-nut aammalu takutitsiffiit arfineq marluusuni saqqummiussissapput, Nuuk Nordisk Kulturfestival 2015-imi matut ammarneqarpata, 21. - 25. oktober.
Tusarnaartitsinerit, saqqummersitsinerit, atuagaateqarneq, isiginnaartitsinerit, qitilluni isiginnartitsinerit, sungiusarnerit nunanillu avannarlerneersut allarparpassuillu kulturisioqatigiinnermi misigineqarlutillu peqataaffigineqarsinnaassapput.
Savalimmiormiu Teitur, Sverigemeersoq Loney Dear, nunatsinneersoq Nina Kreutzmann Jørgensen, Islandimiu Thorsteinn Ragnarsson aammalu Norgemiit qitittartoqatigiit Panta Rei qilanaarineqarsinnaasut ilagaat.
Kulturisioqatigiinneq pingasunngornermi oktoberip 21-ani nal. 16.30 Katuami ammaanersiorneqassaaq ilaatigut borgmesteri Asii Chemnitz Narup NAPA-llu pisortaa Mats Bjerde peqatigalugit. Tamatuma kinguninngua appissapput Rosa og Rødderne, Nordisk Koncertkor Nanookikkullu peqatigalugit. Qallunaat marluusartut torlussorlutillu tivasartut The Emblakunniit Hans Henrik Suersaq Poulsen aammalu Pegatigiiffik Inngertartut peqatigalugit unnuk Katuami naggasissavaat.
Kultorisioqatigiinnerup anguniagaraa kulturi allatut misigineqarnissaa. Workshop-it assigiinngitsut pisussani ilaapput, taamatullu eqqumiitsuliortut assigiinngitsut kultorisiortoqarnerani qanimut ilikkagaqarfiginissaat suleqatiginissaallu periarfissaavoq.
– Eqqaariikkatut kulturisioqatigiinnermi anguniarparput kulturi allatut misineqarnissaa, taamaammat pisussat illoqarfitsinni siammasissumik ingerlanneqarumaarput. Taamaaliornikkut kulturisioqatigiinneq inummiik inummut assigiinngitsutigut ilaaffigineqarsinnaavoq, taamak oqarput kulturisioqatigiisitsinermut aqutsisooqatigiit.
Suleqatigiinneq
Eqqumuutsiliortut nunanit avannarlerneersut kalaallillu qanimut suleqatigiinnerisa saniatigut kulturikkut festivali tassaalersimavoq kalaallit kulturikkut ingerlatsiviisa, kattuffiisa, peqatigiiffiisa inuussutissarsiortuisalu qanimut suleqatigiiffigilersimasaat.
– Illoqarfik tamarmi atorneqassaaq, aaqqissuussallu amerlanerpaartaat tamanut akeqassanngillat, taamaattumik inuit kajumissaarpavut meeqqanut, inuusuttunut inersimasunullu sammisassarpassuarnut takuniaasaqqullugit, Nuuk Nordisk Kulturfestivalimik suliniuteqarnermi pisortaq Mette Hein oqarpoq.
Nunat Avannarliit Nuummi kulturisioqatigiinnerat, Kommuneqarfik Sermersuumit aamma NAPAmit suliniutigineqarpoq. Taakkua saniatigut Katuaq, NUIF, Nunatta Isiginnaartitsisarfia aamma Meeqqanut Atuagaateqarfik qanimut suleqatigineqarput.
Nunat Avannarliit Nuummi kulturisioqatigiinnerat 2015 makkuninnga tapersersorneqarpoq Kulturkontakt Nord, Tips & Lotto midlerne, Nunani Avannarlerni Killerni Illoqarfiit Pingaarnersaat Aningaasaateqarfiat, Tuborgfondet, NunaFonden, Svend & Helene Junge fonden, NAPA – Nordens Institut i Grønland, Nuuk Sømandshjem, Nuuk Imeq, Nuup Bussii, Hotel Nordbo, Atlantic Music, Grønlandsbanken aamma Deres Auto.
Nunat Avannarliit Nuummi Kulturisioqatigiinnerat 2015-mut pilersaarut uani aaneqarsinnaavoq:https://www.napa.gl/wp-content/uploads/2015/03/f–rdige-program.pdf
Nunat Avannarliit Nuummi Kulturisioqatigiinnerat pillugu NAPAp nittartagaani paasisaqarnerugit: www.napa.gl/nuuknordisk
Imaluunniit internetikkut naapittarfinni malinnaavigitigut:
Facebook #nuuknordisk
Spotify: nuuknordisk2015
Youtube: “Nuuk Nordisk Kulturfestival”
Instagram @nuuknordisk
Twitter #nuuknordisk
