Maani oqaluttuaaqqat pingasut naalaagassianngornikut tusarnaarsinnaavatit. 

Oqaluttuaaqqat

Navarana Lennert, 30-nik ukiulik, Nuuk

”Illernerit Tarrat” oqaluttuaaqqami pinngortitaq sammineqarpoq; pinngortitap inissaqartitsiuaannarnera, ulluinnarni nuanniitsut, soorlu inuit nittartakkakkut attaveqatigiittarfiini pisut nuanniitsut alarlugit pinngortitamiinneq.

Oqaluttuaaraq maani naalaagassianngorlugu tusarnaarneqarsinnaavoq.

Malik Sophus Schøller Jørgensen, 24-nik ukiulik, Nuuk

"Akunnerit Amigartut" Malik Sophus Schøller Jørgensenip oqaluttuaaraliaani apeqqutit inuunerup siunertaanik apeqqusiisut sammineqarput; uangaassuseq kinaanersoq, asanninneq suunersoq; apeqqutit sammiveqannginnermut, imminut sequtsernermut eqqaamasaarunnermullu tunngasut, kiisalu sammineqarlutik tunngavii ilisimanagit, kamanneq alisunnerlu.

Oqaluttuaaraq maani naalaagassianngorlugu tusarnaarneqarsinnaavoq.

Essay

Tukumminnguaq Nykjær Olsen, 30-nik ukiulik, Nuuk

”Piumassuserinngisaminnik tappiitsut” Tukumminnguup oqaluttuaaraliaani inuiaqatigiinni avissaartuunneq sammineqarpoq. Ilaatigut immikkoortitsinermik, oqaatsit pillugit oqallinneq kinaassuseq pillugu apeqqutinik tunngaveqartoq.

"Piumassuserinngisaminnik tappiitsut" maani tusarnaarneqarsinnaavoq.

Allatta! 3.0-mik aaqqissuisuupput:

NAPA, milik publishing, Nunatta Atuagaateqarfia aamma Kalaallit Atuakkiortut

   

Allatta! 3.0-mut aningaasaliisuupput: