Kulturikkut suliniutinut atatillugu ukununnga siunertanut pingaarnernut tunngasut tapertarpavut

• Nunani Avannarlerni Inuusuttut
  Suliniutinik meeqqat inuusuttullu kulturilerisinnaanerannut tunngasunik NAPAmit tapersersuillutalu pilersitsisarpugut
• Nunani Avannarlerni Kulturit Naapinnerat
  Suliniutinik Nunani Avannarlerni Kalaallit Nunaatalu akornanni kulturikkut suleqatigiissutinik attaveqarfinnillu pilersitsisunik NAPAmit tapersersuillutalu pilersitsisarpugut
• Nunani Avannarlerni Piujuaannartitsineq
  Suliniutinik Kalaallit Nunaanni Nunanilu Avannarlerni kulturikkut pisuussutinut tunngassuteqartunik ammasumik suleqatigiissutinik attaveqarfinnillu pilersitsisunik NAPAmit tapersersuillutalu pilersitsisarpugut

NAPAp kulturimut tapiissutai inuinnarnit inuussutissarsiutiginagu inuussutissarsiutigalugulu kulturimik sammisalinnit qinnutigineqarsinnaapput. Tassunga atatillugu suleqatissatsinnik mnutaaliornissamullu isumassarsititsisunik attavigineqarusuttarpugut.

NAPAmit aamma suliniutit ukunnaanngaanneersut taperneqarsinnaasarput: Nunat Baltikumimiittut Estland, Letland aamma Litauen aamma kimmut saniligut Canada aamma Alaska.

NAPAmit kulturimut tapiisarneq pillugu paasisaqarnerorusukkuit una quppersagaq takuuk: NAPAp Kulturimut tapiissutaasa siunertaat

100.000 DKK ataallugit qinnuteqarnermi

Qinnuteqaatit taakku qaammatit marluk iluini suliarineqartarput taamaattumillu suliniut aallartitsinnagu qaammatinik
marlunnik sioqqutsilluni qinnuteqartoqartassaaq.

100.000 DKK-nik sinnerlugilluunniit qinnuteqarnermi

Qinnuteqaatit taakku minnerpaamik qaammatini marlunni nalilersorneqartarput akineqartarlutillu. NAPAp siulersuisui
ukiumut marloriarlutik naapeqatigiittartut naliliisuusarput. Naapittarput marsimi aggustimilu – taamaattumik qinnuteqaatit
NAPAmut kingusinnerpaamik januaarip juunillu aallaqqaataatinnagu tunniunneqareersimassapput.
Nittartagaq aqqutigalugu qinnuteqaasiorit imaluunniit qinnuteqaasiornermi immersugassaq downloaderiarlugu
immersorlugu.

EQQAAMAJUK

Suliniuteqartut NAPAp kulturimut tapiissutaanik aningaasaliiffigineqartut ima pisussaaffilerneqartarput:

• NAPAp ilisarnaataa sunulluunniit naqitanut ersitsillugu ilanngunneqassaaq

• Tusagassiuutinut nalunaaruteqarnermi nutaarsiassaqarfinnilluunniit aattavigigaanni NAPA eqqaaneqassaaq

• Suliniut naammassippat kingusinnerpaamik qaammat ataaseq qaangiutsinnagu suliniut pillugu naliliineq aningaasallu qanoq atorneqarsimanerat nalunaarusiorneqassaaq. Assersuut uani takuuk:

MALUGIUK

NAPA kulturikkut suliniuterpassuarnut siunertanut pingaarnernut pingasunut tapiisarpoq, ukununngali tunngasunik
tapiineq ajorpugut:

• Peqatigiiffiit kattuffiillu ingerlanneqarnerat amigartoorutilluunniit
• Suliniutit aallartereersut
• Pinngortitamut nakorsaqarnermullu tunngatillugu Ilisimatusarnerit
• Ilisimatusarnerit allat NAPAp siunertaanut pingaarnernut pingasunut tunnganngitsut
• Suliniutit angalanerillu timersornermut tunngasut
• Suliniutit aalajangersimasumik piffissaligaanngitsut
• Suliniut suliallu uteqqiattut
• Suliniutit suliffeqarfiilluunniit aningaasatigut iluanaaruteqarnissamik siunertallit imaluunniit taperneqartumut iluanaaruteqartitsisussat
• Suliniutit naammassereersut
• Suliniutit kulturimut eqqumiitsuliornerulluunniit silarsuaanut tunngassuteqanngitsut

QUPPERNERIT ALLAT

Imak qinnuteqaasiorluarsinnaavutit
Nunani Avannarlerni Ministerit Siunnersuisoqatigiit Kulturikkut Aningaasaateqarfii
Nunani Avannarlerni kulturikkut aningaasaateqarfiit

Ass./ Foto: Mads Phil/Visit Greenland