Aningaasaateqarfiit ataaniittut ataatsimik imaluunniit arlalinnik programmeqarput Kalaallit Nunaanni kulturimut tunngasunik imaluunniit kalaallinik kulturilerisunik immikkut ittumik ukkataqarfiusunik.

Aningaasaateqarfik Allaaserinera
Augustinus Fonden Aningaasaateqarfik nalinginnaasumik ajunngitsuliornermut aamma naakkittarnermut, eqqumiiitsuliornermut ilisimatusaatinullu siunertaqartut pillugit suliniuteqassalluni siunertaqarpoq. Aningaasaateqarfiup qinnuteqaatit ingerlaavartumik suliarisarpai. 
Cultural Contact Point Danmark Kulturministereqarfiup aningaasaateqarfia, EU-p Kulturprogrammia pillugu Danmarkimi paasissutissiinissamut siunertaqartoq kiisalu kalaallinik qallunaanillu qinnuteqartunik siunnersuisartoq.
Selvstyrets tilskud til kunst og kultur Namminersorlutik Oqartussat Kalaallit Nunaanni eqqumiitsuliorneq kultureqarnerlu tapiissuteqartarnertigut assigiinngitsutigut tapersersugaraat. Tapiissuteqartarnerit Ilinniartitaanermut, Kultureqarnermut Ilageeqarnermulllu Naalakkersuisoqarfiup aqutarai. 

Kalaallit Nunaanni kommunit tapiissuteqartarneri

Kalaallit Nunaanni kommunit kommunini sumiiffinni kulturimut, sunngiffimmut aamma innuttaasunik paasisitsiniaanernut tapiisarput.  

Avannaata Kommunia

Kommuneqarfik Sermersooq

Kommune Qeqertalik

Kommune Kujalleq

Qeqqata Kommunia

Tapiissuteqarfik Sermeq Sullissiviit aamma sammisassaqartitsiffiit kulturikkut suliaqarfiusut, peqatigiiffiit namminerisamillu suliffeqarfiutillit suleqatigiilluunniit, aamma inuit ataasiakkaat tapiiffigineqarnissamik qinnuteqarsinnaapput. Qinnuteqarnissamut piffissarititaasut ullut 1. marts aamma 1. oktober.
Nuummi Najukkami Ataatsimiititaliaq 
Innuttaasoq, gruppit imaluunniit peqatigiiffik taakku tamarmik sammisassanut suliniutinulluunniit tapiiffigineqarnissamik qinnuteqaateqarsinnaapput, najugaqarfitta eqqaani pitsanngorsaaniarutta imaluunniit pitsaassutsimik qaffassaaniarutta imaluunniit innuttaasut najugaqarfimmi najugallit ataatsimoortillugit sammisaqartitsiniarutta. Ukiumut qinnuteqarnissamut pifissanik arfinilinnik killigititaqarpoq. 
Aningaasaateqarfik Ivalo & Minik 

Aningaasaateqarfiup Ivalo & Minik-p siunertaraa legatinik kalaallinut, nunani allani qaffasissumik ilinniarusuttunut imaluunniit nunani allani piginnaanngorsaqqikkusuttunut aningaasanik tunnissuteqartarnissaq aamma ilinniarnermut atatillugu sungiusaatigalugu nunani allani sullivinni kattuffinniluunniit sulisunut. Qinnuteqarnissamut piffissaq killigititaasoq tulleqaningaasaateqarfiup nittartagaani takuuk

Den Grønlandske Fond Kalaallit Nunaata aamma danskit naalagaaffiata ilaasa akornanni kulturikkut attaveqarnerit siuarsarneqarnissaannut tapiissuteqartarnissaq. Aningaasaateqarfik ukiumut marloriarluni qinnuteqarnissamut piffissami killigititaqarpoq, 1. marts aamma oktober.
Nordisk Film & TV Fond Aningaasaateqarfiup nunani avannarlerni piviusulersaarutit, filmit aliikkutassiat (spillefilm) aamma tv-kkut nangeqattaartuliat tapiiffigisarnerisigut filmiliorneq tv-kkulllu aallakaatitassiornerit siuarsaaviginissaat pingaanerusumik siunertaraa. Qinnuteqaatit ingerlaavartumik suliarineqartarput.
NunaFonden Kalaallit Nunaanni tamanut iluaqutissanut ajunngitsuliuutaasumillu siunertanut tapiisarpoq. Kulturimut, timersornermut inooqataanikkullu suliniutinut aamma paasisassarsiorluni angalasarnernut assigisaanullu.  Qinnuteqaatit ingerlaavartumik, qaammatit 1-2-t ingerlanerini suliarineqartarput.  
Namminersorlutik Oqartussat Tipsernermit aamma Lottornermit aningaasaliissutaat Tamatigoortumik kulturimullu sammisut suliniutit pulje C-mit taperneqartarput.  Qinnuteqartut Kalaallit Nunaanni najugaqartuussapput. 
Lauritzen Fonden Aningaasaateqarfiuup inooqataanikkut ikiuiniarnikkullu sullissiviusunut, kulturimut, imarsiornermut aamma ilinniagaqarnermut tapiisarpoq. Aningaasaateqarfiup periusissiaminni meeqqat inuusuttulllu navianartorsiortut immikkut ukkkataraat, aningaasaateqarfillu ukiumut sisamariarluni qinnuteqarfissamut piffissami killigititaqarpoq: 2. februar, 26. april, 28. juni aamma 12. oktober.
15. Juni Fonden Aningaasaateqarfiup eqqumiitsuliornermik kulturimillu suliniutit kiisalu ikiuiniarnikkut inooqataanikkullu suliniutit tapiiffigisarpai. Tamatuma saniatigut Qallunaat Nunaanni naasut uumasullu ilisimatusarfiginerat aamma ilinniartitsissutiginerat kiisalu piniariartarnerup aamma pinngortitaq pillugu soqutigisaqartut soqutigisaasa peqqissumik oqimaaqatigiissumik ingerlanneqarnissaat immikkut ukkatarisaraat. 2020-mi qinnuteqarnissamut piffissami killigititaapput 16. marts, 24. juni aamma 4. september.
Bikuben Fonden Aningaasaateqarfiup eqqumiitsuliorneq, kultur kiisalu inooqataanikkut suliniutit ineriartortilllugillu tapiissuteqarfigisarpai. Aningaasaateqarfiup ingammik Kalaallit Nunaanni kulturikkut suliniutit aamma meeqqat inuusuttullu immikkut ittumik ukkatarisarai. Ilaanni qinnuteqaatit qaammatit arfinillit ingerlareersut akineqartarput.