Qinnuteqaat pitsaasoq

NAPA-p angalanissanut aamma suliniutinut atatillugu qinnuteqaatinut tapiissutigisartagai pillugit podcast isumassarsiorfissaq tusarnaarsinnaavat.

Qanoq ililluni NAPA-mut pitsaasumik qinnuteqaasiortarpat? Suut pingaartinneqassappat ... aamma suut ilanngunneqassanngillat? Uani inuit pingasut Mats Bjerde, Uffe Most aamma Sóley Danielsent apersorneqarnerminni qinnuteqartarneq pillugu pitsaasunik siunnersuuteqarput. 8 minutsit ingerlanerini makku akissutissarsisinnaavatit:

Mats Bjerde NAPA-mi 2014-imit 2019-imut pisortaavoq. Uffe Most NAPA-mi 2016-imit 2019-imut siulersuisunut siulittaasuuvoq. Aamma nipilersornermik ilinniarfimmi aqutsisuuvoq erinniortuullunilu. Sóley Danielsen NAPA-p siulersuisuini 2017-imit 2019-imut ilaasortaavoq. Savalimmiormiuuvoq, isiginnaartitsisartuulluni, ilitsersuisuullluni aamma isiginnaagassianik ilinniartitsisuulluni.

Podcast skandinaviamiutut oqaasertaqarpoq.

Ataani eqikkaaneq kalaallisut oqaasertalik atuaruk.

Podcastimik suliaqartoq, jingle aamma qiortarnera Per Bloch, NAPA.

Mastering: Mikkel Gemzøe/Varibeat

Minnerpaatut qinnuteqaatip imarissavai:

  • Sukumiisumik nassuiarneqarnera. NAPAp immikkut pingaartitaanut pingasuusunut minnerpaamik pingaartitamut ataatsimut  suliniutip attuumassuteqarnissaa piumasaqaataavoq.
  • Suliniummut missingersuut, aningaasartuutit, isertitat namminerlu akiliut ilanngullugit
  • Anguniagassatut pilersaarusiaq paasiuminartoq
  • Suliniummi peqataasut CV-at
  • Suliniummi suleqatigisanut suleqatigiinnermut isumaqatigiissut
  • Soqutigisaqartut attuumassutilinniit oqaaseqaatit innersuussutillu ilanngunneqarsinnaappyt

Nunat Avannarlerni Piorsarsimassutsikkut Ikiorsiissutit arlallit quppersagaqarput, qinnuteqaasiornissamut siunnersuutinik imalinnik. Qinnuteqaasiunnginnermi aningaasaateqarfiup ilitsersuutai sukumiisumik atuarnissaai isumassarsiatsialaavoq.

NAPAp Kulturimut tapiissutaasa siunertaat

Aningaasaateqarfinnut qinnuteqaasiornissamut atatillugu siunnersortinnissaq pillugu NAPAp attaviginissaanut tikilluaqqusaajuaannarputit.


Qinnuteqaat pitsaasoq pillugu eqikkaaneq

Qinnuteqaat pitsaasoq qanoq ittuua? Qinnuteqaammik atuartussamut suliniutissaq pillugu paasisutissiissaaq. Qinnuteqaasiornermi isumassarsiap erseqqissumik allaaserinissaa erseqqissassallugu pingaaruteqarpoq.

Qinnuteqaat pitsaasoq tassaavoq suliniut pitsaasoq pillugu qinnuteqaat. NAPA-mut qinnuteqaaterpassuarni isumassarsiatsialaat pillugit qinnuteqartartut tamatigut eqqaamaneqarnerusarput.


Qinnuteqannginninni misissuigit

Qinnuteqaasiortussap nalinginnaasumik qanoq tapiisoqartarnersoq pillugu misissuissaaq. Assersuutigalugu filmiliornissamut, isiginnaartitsinissamut allamulluunniit tunngappat qinnuteqarfissat tapiissutaasartullu pillugit misissuigit.


Suliniut sumik / sunik imaqarpa?

Pitsaasumik periuseqarluni qinnuteqaammik atuartussaq paasitinneqarsinnaavoq. Suna oqariartuutiginiarlugu piviusunik allaaserisaqarit. Suliniut sunik imaqarnersoq, qanorlu iliorlutit anguniarnerlugit eqqortumik allaaserikkit.

Qinnuteqaatitsialammi pimoorussineq malugineqarsinnaassaaq. aamma suna siunertarineraa takuneqarsinnaassaaq. Aamma suliniutip sunniutigiumaagai angusassatullu naatsorsuutigisatit pitsaasut ilanngullugit allassinnaavatit.


Siunertaq takorloorneqarsinnaassaaq

Suliniummi siunertaq pitsaasoq erseqqissumik takorloorneqarsinnaassaaq, piviusorsiortuussallunilu. Pimoorussineq malugineqarsinnaassaaq.

Isumassarsiaqaruit suliarerusullugulu qinnuteqarsinnaavutit.

Suliniutissaq isumassarsianik nutaanik imaqarpa?

Qinnuteqaammik atuartussap siunertaq takorlooriaannaassavaa, aamma suliniutissaq piviusorsiorpalaartuussaaq naammassineqarsinnaallunilu.

Paasinartumik allagit, paasissutissallu erseqqissaaffigikkit.

Qinnuteqaatinni paasissutissat naleqquttut ilanngutissavatit.


Missingersuut

Missingersuut ilanngutissavat. Missingersuusiuleruit eqqarsaatigissavat suut ersersikkusunnerlugit.

Aningaasat isertitassat (kikkunnit, qanoq annertutigisut), aningaasartuutillu (sunut, qanoq annertutigisut). Sooruna missingersuusiortutit.

Piffissaq sioqqullugu qinnuteqarit. Piffissaagallartillugu, suliniutip ingerlanneqarnissaanut piffissaq sioqqullugu qinnuteqaat erseqqissoq nassiunneqassaaq.


Qinnuteqaammi suut ilanngunneqassanngillat?

Qinnuteqaammi suliniummi angumerisinnaanngisat ilaatinnissaat pinaveersaartinneqassapput, piviusiorsiortuussagami.

Suliniummut suliariniakkamut isumassarsiat naammassineqarsimanngitsut imaluunniit naammassilllugit ineriartortinneqarsimanngitsut qinnuteqaammik upperinnilersitsineq ajorput.

Isumassarsiaq suliniutilluunniit naammassillugit ineriartortinneqarsimanngitsut suliniutip ingerlalluarnissaanik tatigiunnaarsitsisarput, taamaalillunilu qinnuteqaat upperiuminaassisarpoq.

Pisussat misissoqqaakkat imaluunnit suliniutip ilaa allaasereqqaassallugit ilaanni pitsaanerusarpoq. Akissarsiassat qaffasippallaat aamma aningaasartuutit qaffasippallaat ilanngunnaveersaakkit. Piviusorsiorit.

Qinnuteqarnissannut tunuarsimaarnak qinnuteqarit!