16 oktobarip 2020

Ukiup ataatsip missaata siorna, assiliisartoq Charlotte Lakits Nuummi inuusuttut pillugit piviusorsiortumik suliniuteqalerpoq. Suliniut kalaallinut asissuinermut akerliussutsitmik takutitsineruvoq aamma assiliisartut akornanni ileqqorissaarneq pivallaarnagu kusanartuinnarnik assiliiniarnerorusulersimanermut akerliussutaalluni. 

“Frankrigimeerpunga, tassalu nunanni Kalaallit Nunaannit assit takusartakkat piviusorsiortuunngillat. Pikkunarsagaapput, alianaassigaapput, tassalu ilumoortuunngillat. Assiliisartut amerlanerit sivikitsumik Kalaallit Nunaaniittarput, pinngortitaq assilisarpaat inuillu oqaloqatiginagit”, oqaluttuarpoq Charlotte Lakits. 

Aggerina allaaserisaqarlutillu
Charlotte Lakitsip kinguaariiaat nutaat assingi oqaluttuassartaalu 100-t katersorniarpai. Nuummi inuusuttuni assigiinngissuseq nukissallu takutinneqassapput. Allatatigut assilisatigullu inuusuttunik ilisarititsineq - Charlottep assilisai inuusuttullu namminneq allataat.

Workshoppi ingerlanneqassaaq sisamanngornermi ulloq 22. oktober nal. 17-19 Katuami inimi ataatsimiittarfimmi T1. Saaffiginnittarfiup ungasinngisaani tummeqqakkut qipisukkut majuaannassaatit.  

Oqaluttuassaqarpit oqaluttuarerusutannik? Pingaartitannik oqaluttuarerusutaqarpit? Allamiunut Kalaallit Nunaat pillugu oqaluttuarusuppit? Peqataajartorit oqaluttuallu allaserallugu! 

Atuakkiortut Pivinnguaq Mørch (KAL.NUN.) aamma Per Bloch (DK) workshoppimi peqataassapput, allattullu ikiorlugit. Allannermi sakkussat eqqartussavaat aamma namminneq eqqumiitsuliortutut suliatik saqqummiutissalllugit, peqataasut namminneq allattalernissaat pillugu kajumissuseqalersinniarlugit isumassarsitillugillu. Nammineq aalajangissavat kalaallisut, tuluttut qallunaatulluunniit allakkusunnerlutit. 

Aaqqissuussineq ukunannga taperneqarsimavoq: Sermeq puljen aamma NAPA - Nunani Avannarlerni Piorsarsimassutsikkut Attaveqaat.

Aaqqissuussineq pillugu Facebookikkut atuarit

Charlotte Lakitsip nittartagaa takujuk