2 septembarip 2020

NAPA ullaakkorsioqatigiuk aallarteqqippoq!

NAPAp allaffia ammasuuvoq, sulikniuteqaraanni, nunani avannarlerni suleqatigiinnermut tunngasunik apeqqutissaqaraanni, kulturimut attuumassuteqaraanni assigisaannilluunniit uummammioqaraanni ornissinnaasaq. Qaammammut ataasiarluta nuannersunik, persuarsiornanngitsumik, sunnertinnartumik susassareqatigiinnermillu imaqartumik ullaakkorsioqatigiissitsisarpugut.

Maani pisarput: 

- Eqqumiitsuliortut pinngorartitsisullu allat naapinnerat
- Suliniutit, qinnuteqaatit aamma paaserusutat avitseqatigiissutiginerat
- Suliniutitut allat takorluugaannut tunngatillugu siunnersuinerit
- Nutaanik ilikkagaqaatigaluni ullaakkorsioqatigiinnerit

Tullianik pissaaq tallimanngornermi septembarip sisamaani nal. 8.30-10.00.

Kulturilerisoq tallimanngorpat pulaartussarput tassaavoqZika//Ida Kleist, erinniortarnerminik taalliortarnerminillu oqaluttuartussaq, ilaatigut sunik kulturimik sammisaqarnerminut tunngaviunersut, ilinniarsimasat aamma pikkorissarfigisimasat oqaluttuarissallugit. Ida Nuummi inunngorpoq peroriartorlunilu. Ida nipilersornermik ilisimatusarnermini bachelorinngorsimavoq antropologi (inuup inuiaqatigiillu pissusiinik misissuineq) saniatigut ilinniagaralugu. Maanna Ilimmarfimmi Inuiaat kulturiat oqaluttuarisaanerallu ilinniarlugu kandidatinngorniarpoq. Ida nipilersoqatigiinni Zika-mi erinarsortuullunilu erinniortuuvoq.

Pisussat imaassapput:

08.30: Ullaakkorsioqatigiinneq
09.00: Isersimasut imminnut ilisaritinnerat
09.10: Ida Kleist saqqummiissaaq
09.30: Apeqqutit oqaaseqarusuttullu oqaaseqarnerat
10.00: Qujanaq ullumi – suliartortussat suliartorniaritsi

Aaqqissuussaq NAPAmi pissaaq – Nunani Avannarlerni Piorsarsimassutsikkut Attaveqaat- Katuamiippugut kioskip qulaani.

NAPAmi ullaakkorsioqatigiinnerit 2020-mi pisussat tullii ulluni ukunani pissapput:
9. oktobari
6. novembari
4. decembari