30 oktobarip 2020

Inuiaqatigiinni mikisuni LGBTI-tut inuuneq unamminarsinnaavoq. Kinaassusersiorneq aamma asissorneqarneq misigineqarsinnaapput, aamma illoqarfinnut naleqqiullugu annerusumik kisimiittutut misigisoqarsinnaalluni, illoqarfinni assinganik isumallit naapinnissaat ajornannginnerusarmat imaluunniit inupassuit akornanni toqqortoqarsinnaasarmat. Nunani Avannarlerni inuiaqatigiinni mikisuni qanoq annertutigisumik attaveqarfeqartoqarpa, tapersersuiffeqarpa aamma ataatsimoorfeqarpa aamma qanoq ililluta sumiiffinni taakkunani kinaassusersiorneq asissorneqarnerlu akiorsinnaavagut.

Assersuutigalugu saamit nunaanni inuiaqatigiinni LGBTI-tut inuuneq qanoq ippa aamma sooq Garmeres - Queer Sami Organisation pilersinnissaat pingaaruteqarsimava.

Nunani Avannarlerni tamani inuit LGBTI-t peqatigiiffiliornissaminnut pisinnaatitaaffeqarput, illloqarfinnilu angisuuni tamanna kisimi atuutinngilaq. Qanoq ilillluta sumiiffinni mikisuni aamma queerkultureqartitsilersinnaavugut?

Ukioq manna ukiut 10-t qaangiupput Kalaallit Nunaanni Nuummi pride siullerpaamik aaqqissuunneqarmat. Kalaallit Nunaanni inuiaqatigiinni mikisuusuni erseqqinnermut, akuerisaanermut, arlaanut ilaanermut aamma ataqatigiinnermut Pride qanoq pingaaruteqartigiva?

Nordisk ministerrådip unamminartut taakku pillugit qaammarsaanermut digitalimik qarasaasiakkut oqallinnermut qaaqqusivoq. Oqallinneq nunani avannarlerni Ålandimi, Savalimmiuni Kalaallillu Nunanni oqallinnerit arlallit 2020-mi ingerlanneqartussat ilagaat. Oqallinnernit ilisimalikkat misilittakkallu pissarsiarineqartut ataatsimut allaaserisassanngorlugit katersorneqassapput, allaaserisarlu Nunani Avannarlerni inuit LGBTI-t atugarisaannik pitsanngorsaaniarnermi Nordisk ministerrådip sulineranut atorneqassapput.

Ataatsimiinnermi aqutsisoq Inge Olsvig Brandt, Kalaallit Nunaanni Naligiissitaanissamut Siunnersuisoqatigiinni allaffeqarfiup pisortaa

Qaqugu: Marlunngorneq 3.november nal. 10:00 – 11:20 (Nuummi piffissaq)

14:00 – 15:20 (skandinaviami piffissaq)

PROGRAMMI

10:00 Tikilluaqqusineq, Kalaallit Nunaanni naligiissitaanermut naalakkersuisoq Anna Wangenheim

10:10 Tunuliaqutaq aamma isummersorneqarneq, Gisle A. Gjevestad Agledahl

Gislep Nunani Avannarlerni tamarmi oqallinneq tunngavigalugu think piece-mik allataqassaaq.

10:20 Saamit nunaanni inuiaqatigiinni LGBTI-tut inuuneq, aamma Garmeres - Queer Sámi Organisationip pilersinnissaa sooq pingaaruteqarsimava.

Ronja Vaara, Garmeres

10:35 Nuuk Pride ukiut 10-t. Suna ilikkarsimavarput aamma suut nutaajuppat.

Jan Joe Seidsen, LGBTI Greenland

10:50 panelimi oqallinneq

Inge Alexander Gjestvang, FRI – Foreningen for kjønns- og seksualitetsmangfoldimi aqutsisoq, Norge

Mads Hvid, LGBT+ Danmark

Jan Joe Seidsen, LGBTI Greenland

Ronja Vaara, Garmeres

11:20 Naammassivoq