5 februaarip 2020

Nunani Avannarlerni piorsarsimassutsikkut attaveqaammi Nuummiittumi Gangsøy pisortaalissaaq, nunani avannarlerni statsministerit Nunat Avannarliit 2030-mi nunarsuatsinni nunanit piujuartitsiffiunerpaatut peqataalersitsinerpaasutullu angunigaasa piviusunngortinniarneqaleruttorfianni. Norgemiit Kalaallit Nunaannut nuunnissani Gangsøyip qilanaaraa, aamma eqqumiitsuliorneq kulturilu inuit assigiinngitsut siunissami periarfissanik ineriartortsitsinissaanni nukittoqutaanerat erseqqissarpaa:

- Kalaallit Nunaata ilisimasaqalerfiginissaa aamma avannarlermiut isaannit isigalugu kalaallit kulturiannik suliaqalernissara qilanaarilluinnarpakka. Piujuartitsilluni ineriartortitsinissamut inuit suleqatigiinnissaat piumasaqaataavoq, aamma kulturip naligiissumik ataatsimuulersittarpaatigut. Kalaallit Nunaanni aamma nunani avannarlerni kulturimik suliaqartut aamma pilersueqataasut akornanni NAPA pingaaruteqarluni suleqataavoq, suliniutinut angalanissamullu tapiissuteqartarnermigut, soorlu Nuuk Nordisk Kulturfestivalimut, saqqummersitamut Sermip Kunngiata Pania,

aamma kulturimi suliaqarnerit inuppassuarnik akuutitsiffiusut. - Inunnik assigiinngitsunik tunuliaqutalinnik, oqaasilinnik aamma kulturilinnik naapitsisarnerni periarfissat nutaat pilersarput. Nunani avannarlerni kulturikkut paarlaasseqatigiittarnerit annertuut, siunertatsinnut anguniakkatsinnullu uatsinnik ataqatigiisitsilersinnaapput kittitut nipisittisartutut illutik, Gangsøy nangippoq. NAPA nunani avannarlerni kulturikkut suleqatigiinnermi meeqqanik inuusuttunillu ukkataqarpoq, Anne Mette Gangsøyillu siusinnerusukkut sammisassanik ineriartortitsillluni naapeqatigiittarfinnik ineriartueqataasarsimavoq. Aqutsineq, kulturi attaveqaqatigiinnerlu atituumik misilittagaqarfigai. Gangsøy 1. maj 2020-mi atorfinittussaq Norgemi Notodden mangfolds- og læringssenterimi pisortatut atorfeqarsimavoq, siusinnerusukkullu Gullbring Kulturanlægg siuttuuffigisimallugu, kisianni aamma NRK-mi ukiorpassuarni nunani avannarlerni isiginnaagassialerinermi suleqataasarsimavoq.