18 februaarip 2020

Arctic Winter Games Canadap kitaani Whitehorse, Yukonimi marsimi 15.-22.ani 2020 pissaaq. NAPAp AWGmi Kalaallit Nunaat sinnerlugu kulturimik takutitassiornissaq arfineq pingajussaanik akisussaaffigaa, tamatumuunali immikkut ittumik Nunatta Isiginnaartitsisarfiani Isiginnaartitsinermik Ilinniarfik suleqatigalugu uku takutsisussanngorput: Aviana Steinbacher, Camilla Ramsøe Mølgaard, Kuka Fleischer aamma Anna Elionora Rosing.

"Arctic Winter Gamesimut peqataaneq ilinniartunut AWGmut peqataanermikkut issittormioqatiminnik kulturimik sammisaqartunik naapeqeqarnermikkut piginnaasaqarnerulernissaannik siunertaqarpoq. Unammiuaarnerit pineranni ilinniartut namminneq isiginnaagassiaminnik, pilersaarusiornermiit piviusunngortitsinermut suliarisaminnik, takutitsissapput, ilikkakkatillu kalaallit inuusuttaannut siunissami ingerlateqqissinnaalissavaat," Isiginnaartitsinermik Ilinniarfimmi aqutsisoq Ruth Montgomery-Andersen oqarpoq.

Nunani Avannarlerni Piorsarsimasutsikkut Attaveqaatip NAPAp AWGmi kulturilerisunik peqataatitaqarneq arfineq-pingajussaa akisussaaffigaa:

"NAPAmut pingaartuuvoq Kalaallit Nunaanni Kulturip Nunarrsuami kulturimik naapitsinissaaq. Issittormiut Unammiuaarneranni peqataatitsisarnerput suliniuteqartarnitsinni pingaarteqaarput. Tamatumuuna Nunatta Isiginnaartitsisarfia Ilinniarfialu immikkut ittumik suleqatigiumasimavarput, isumaqaratta suliaat inngerlalluartut, tassaasullu isiginnaartitsinermut tunngatillugu misiglittagaqarnerpaat. Suleqatigiinneq nuannareqaarput qujamasuutigalugulu, neriuutigaarpullu suliniut attaveqaatinik, misigisanik kulturillu naapitsinernik nutaanik pissarsiffiujumaartoq," Sabin Westerholm, NAPAmi pisortaagallartoq oqarpoq.

Ilinniartut kulturimut atatillugu isiginnaagassiaat Whitehorsemut aallannginnermi tamanut takutinneqarumaarpoq.