15 decembarip 2017

NAPAmi ilinniagartuutut praktikkertutut sulisut eqeersimaartut, Kalaallit Nunaata aamma Nunat Avannarliit nunallu Baltikumimiittut akornanni kulturimik paarlaasseqatiinnermik suliaqartut suleqatigissavatit. Suleqatigiissutit sumiiffinni taasani tamani kulturimut tunngasunik suliaqarfiit, eqqumiitsuliortut ataasiakkat aamma ilisimatusartut allallu suleqatigalugit piviusunngortinneqartarput.

NAPAmi praktikkertutut suliniutinik piviusunngortitsiniarluni suleriaatsinik, piviusunngortitsinernik aamma kulturimik suliaqarnermi paasissutissiinermik nunallu tamalaat akornanni qanoq ililluni kulturimik paarlaasseqatigiittarneq pillugut sukumiisumik ilikkagaqarluarsinnaavutit.

Praktikkertup suliassaanut ilaavoq suliffeqarfiup avammut tusagassiisarneranut atatillugu kulturimut tunngasunik pisoqartitsinissanik piareersaaneq piviusunngortitsinerlu, internetikkut attaveqaatitigut paasissutissiineq, oqaaseqatigiiliorneq, paasiniaaneq, tusagassiorfinnut attaveqarneq, ataatsimiinnernut ataatsimeersuarnernullu peqataaneq, kulturimut tunngasunik suliniutinik (event) piareersaaneq, piviusunngortitsineq inerisaanerlu.

Suliffeqarfiup ineriartorneranut praktikkertoq akisussaaffeqartorujussuussaaq, isummat namminerlu suliniutiginiakkat pingaaruteqassallutik.

Ilinniagartuutut kandidatinngorniartuussaatit uku arlaannik ilinniarlutit: Inunnik sullissineq (humanistisk), inuiaqatigiilerineq (samfundsvidenskab) imaluunniit nutaaliorneq (kreativ) tunngavigalugu ilinniarfiit, kisianni sumilluunniit allamik ilinniagaliusinnaavoq aamma.

Piginnaasassatit: 

Ukuninnga misilittagaqassaatit, piumasaqaataanngilarli: Naatsunik paasiuminartumillu nittartakkatigut attaveqaqatigiittarfinni allassinnaassaatit, qarasaasiaq atorlugu isikkorissunik paasissutissaliorsinnaassaatit (Photoshop), nittartagalerisinnaassaatit (WordPress).

Praktikkertutut nunani avannarlerni innuuttaassuseqassaatit nunanilu avannarlerni oqaatsit arlaat ilitsoqqussaralugu oqaaserissavatit.

Praktikkerneq akissarsiassartaqanngilaq, nalinginnaasumillu qaammatinik tallimanik sivisussuseqassalluni (1 semester).

Ilinniaarnermi atugassarititaasut praktikkerfinnut arlaatigut kalluaassappata, najugaq qimannagu ilinniarnissaq tapersersussavarput. Praktikkertoq nammineq inissaminik isumaginnissaaq, pisariaqassappalli kollegianut ilinniartullu najugaqaqatigiittarfiinut saaffiginnissinnaajumaarpugut.

Apeqqutissaqaruit avammut tusagassiinermut akisussaasoq Pipaluk Lind attaviguuk: pipaluk@napa.gl

Qinnuteqaatit ukioq/upernaaq 2018-imut tunngasut, CV aamma ilinniarsimanermut uppernarsaatit (peqaruit) decembarip 15-ianiutinnagu uunga nassiutissapput:
Qinnuteqarsimasunik oqaloqateqarnerit sap.ak 51-imi pissapput – kingorna aalajangiinertalimmik.

Ukioq/upernaaq 2018-imi inummut piumasaqaatinik naammassinnittumut suli inissaateqarpugut.

Suliniutit NAPAmi kulturikkut sammisaqarfigitinneqarusuttut allattorsimaffiannut sorlermut qanorlu attuumassuteqarnersoq nammineq nalilissavat. Sammisat pingaarnerit toqqagassat ukuupput:

  1. Nunani Avannarlerni Inuusuttut
    NAPAp tapersersorpai suleqataaffigalugillu suliniutit Nunani Avannarlerneersut Kalaallit Nunaanneersullu meerartaasa inuusuttaasalu eqqumiitsuliornermut kulturimullu tunngatillugu pilersitseqatigiiffii, suleqatigiiffii isummersoqatigiiffiilu.
  2. Nunani Avannarlerni Kulturit Naapinnerat
    NAPAp tapersersorpai suleqataaffigalugillu suliniutit Nunani Avannarlerneersut Kalaallit Nunaanneersullu immikkut kulturiinut tunngatillugu suleqatigiissutaasut attaveqalissutaasullu.
  3. Nunani Avannarlerni Piujuartitsineq
    NAPAp tapersersorpai suleqataaffigalugillu suliniutit Nunani Avannarlerneersut Kalaallit Nunaanneersullu tamat kulturimik tammatsaaleeqataanerannut tunngatillugu nittarsaassinerat tamanullu saqqummiinerat.