28 septembarip 2018

NAPA (Nordens Institut i Grønland) tassaavoq kulturimut tunngasunik Kalaallit Nunaanni suliaqartussanngorlugu Nunat Avannarliit Ministeriisa Siunnersuisoqatigiivisa pilersitaat. Kulturimut tunngatillugu suliniutit Nunani Avannarlerni Kalaallillu Nunaanni pisussat ineriartortinnissaat, taperneqarnissaat eqeersarneqarnissaallu, pingaartumik meeqqanut inuusuttunullu tunngasut salliutillugit suliarineqartarput.

Soorlu taaguutaata Nunani Avannarlerni Piorsarsimassutsikkut Attaveqaatip nalunaaraa NAPA kulturimut tunngasuni ikaartarfiuvoq, tassaallunilu kulturi qiteralugu Nunat Avannarliit akornanni periarfissarpassuarnik ammaassisinnaasoq.



NAPAmi avammut attaveqaqatigiinnermik akisussaaffiit uku ilaatigut suliarissavatit:

  • NAPAp attaveqaqatigiinnermut tunngasuni ineriartortinniagai, nittartagaq aamma SoMe-politikki
  • Nunani Avannarlerni Ministerit Siunnersuisoqatigiivi pillugit Kalaallit Nunaanni aamma NAPA pillugu Nunani Avannarlerni Ministerit Siunnersuisoqatigiivinut ilisimatitsinnerit
  • Nunani Avannarlerni kulturimut tunngatillugu aningaasaateqarfiit Kalaallit Nunaanni siunnersuisuuffigalugillu ilisimaneqarnerulernissaat
  • NAPAp nammineq kulturimut aningaasaliissutigisartagai pillugit paasisitsiniaaneq nittarsaassinerlu
  • NAPAp sunik suliaqarnera tamanut ammasunik aaqqissuussinerni ilisimatitsissutigissallugu
  • Nunani Avannarlerni Kulturimut Ministerit 2020-p tungaanut anguniagassatut siunniussimasaasa tamanit ilisimaneqalernissaat qulakkiissallugu
  • Tusagassiuutinut attaveqarnerit
  • Nordisk Kulturkontaktip Kalaallit Nunaanni paasissutissiisarfiatut atuunneq
  • NAPAp nammineq kulturikkut suliniutaanik pitsanngorsaaqataaneq
  • Kulturimik suliaqartut attaveqaqatiginissaanik naapinnissaanillu aaqqissuineq
  • Kalaallit Nunaanni Nunanilu Avannarlerni angalanerpassuit

Allaffiuvugut ammasoq ulapaarfiusorlugu ataatsimik pisortalik pingasunillu allanik sulisulik – suliniutinullu atatillugu allaffitsinnik atuisut ilanngullugit suleqatigissavatit. Allaffipput aamma tassaavoq nunaqavissut tikeraallu kulturimik suliallit qaqugukkulluunniit ammanitsinni ornillugu siunnersorneqarfigisinnaasaat suliffigisinnaasaallu. Allaffipput Kulturikkut Illorsuarmi Katuamiippoq, Nuup qeqqaniilluni. NAPAmi avammullu attaveqaqatigiinneq akisussaaffigissavatit.

Piginnaanitit tassaassapput
Suleqat tunniusimasoq angusaqarusuttorlu, suliaminik nuannaarluni alapernaallunilu aallussisoq. Suliatit suussasut ilisimassavatit, tulleriissaarisinnaassaatit nalinginnaasumillu IT-mi sakkut ilisimassallugit. Ammasuussaatit nammineerlutillu sulisinnaassallutit, aamma NAPAmi sulisut suliniutinillu suliallit allat suleqatigisinnaassallugit. Suliniutinik aqutsinermik, nalunaarusiornermik attaveqaqatigiinnermillu misilittagaqassaatit. Nunani Avannarlerni oqaatsit atorneqartut arlaat tamakkiisumik atorlugu sulisinnaassaatit tusagassiisinnaassallutillu. Attaveqaqatigiinnermut tunngasumik, kulturilerinermik, allaffissornermik, tusagassiinermik assigisaannilluunniit ilinniagaqassaatit. Aamma Nunani Avannarlerni suleqatigiinnermik arlaatigut misilittagaqaruit naliliinermut iluaqutaasinnaassaaq. Qiimasuuguit nuannarissaqaarput.

Piumasaqaatit
Atorfik siumut aalajangeriikkamik sivisussuseqarpoq. Nunani Avannarlerni Ministerit Siunnersuisoqatigiivisa aalajangersagaat,  Nunani Avannarlerni isumaqatigiissut, tunngavigalugu isumaqatigiissusiaassaaq. Atorfinitsitsinermut atatillugu Nuup avataaneersut Nuummut nuunnerminni aningaasartuutigisinnaasaat tamarmik NAPAmit akilerneqassapput.

Atorfimmut qinnuteqartut oqaloqatiginnikkiartorlutik angalasariaqartussat NAPAmit akiliunneqarumaarput.

Sulilernissaq: Piaarnerpaamik.
Qinnuteqaat allakkiat pisariaqartinneqartut ilanngullugit nassiunneqassaaq una aqqutigalugu: Emply. Ulloq qinnuteqarfissaq kingulleq: 31. oktobari 2018.

 

Paasissutissanik allanik pisariaqartitsinermi saaffissaq tassaavoq pisortaq Mats Bjerde: +299 56 22 65 aamma mail: mats@napa.gl

 

NORDENS INSTITUT I GRØNLAND

Telefon + 299 32 47 33

Fax: +299 32 57 33

Mail: napa@napa.gl

 

www.napa.gl aamma www.norden.org

 

Kulturikkut suliniutinut atatillugu ukununnga siunertanut pingaarnernut tunngasut tapertarpavut

  • Nunani Avannarlerni Inuusuttut 
    Suliniutinik meeqqat inuusuttullu kulturilerisinnaanerannut tunngasunik NAPAmit tapersersuillutalu pilersitsisarpugut
  • Nunani Avannarlerni Kulturit Naapinnerat 
    Suliniutinik Nunani Avannarlerni Kalaallit Nunaatalu akornanni kulturikkut suleqatigiissutinik attaveqarfinnillu pilersitsisunik NAPAmit tapersersuillutalu pilersitsisarpugut
  • Nunani Avannarlerni Piujuaannartitsineq 
    Suliniutinik Kalaallit Nunaanni Nunanilu Avannarlerni kulturikkut pisuussutinut tunngassuteqartunik ammasumik suleqatigiissutinik attaveqarfinnillu pilersitsisunik NAPAmit tapersersuillutalu pilersitsisarpugut