16 septembarip 2018

Nunat Avannarliit Piorsarsimassutsikkut Attaveqaataat ingerlaqqiffiusumi ilinniartumik suliffimmik misiliisussarsiorpoq. Suleqatigiit imminnut suleqatigiilluartut suleqatigilissavatit, Nunatta, Nunat Avannarliit, Issittumi nunat aammalu Baltikumimi nunat akornanni kulturikkut paarlaateqatigiittarnerat sammisaralugu.

Suut pissarsiarissavigit? NAPA-mi suliffimmik misiliininni suliniutit piviusunngortinniarnerannut tunngasunik ineriartortitsinermillu misilittagaqalernissamut periarfissaqarluassaatit. Suliassat ilaatigut tassaassapput suliniutit naammassereersimasut toqqorsivimmut katersornissaat, suliniutinik ataavaartunik aaqqissuussineq, siunissamilu suliniutinik piviusunngortitsiniarnermi periuserineqarsinnaasunik ineriartortitsineq. Suliffimmik misiliininni sunniuteqarnissamut periarfissaqarluassaatit isummersornikkut namminerlu suliniuteqarnikkut taamalillutit suliffeqarfiup ineriartortinneqarneranut peqataasinnaallutit.

Naatsorsuutigaarput ingerlaqqiffiusumi ilinniartuusutit, humaniorami kandidatinngorniartutut imaluunniit inuiaqatigiit pillugit ilisimatusartutut, taamaakkaluartorli sammivinnik sorlernilluunniit ilinniagaqartut tamaasa kajumissaarpavut qinnuteqaqqullugit.

Piginnaaneqarfissat:

Sulinermi atugassarititaasut – Suliffimik misiliineq akissarsiffiussanngilaq, 2019-imi januaarip naaneraniit juunip naanerata tungaanut atuutissaaq. Suliffeqarneq ilinniarnerup ilaatut (ECTS) isigineqassaaq, sulinerullu nalaani ilinniartuunersiuteqartoqarsinnaalluni.

Ukioq/upernaaq 2019-imut qinnuteqaatit, imminut ilisaritinnerit (CV) aammalu soraarummeersimanermut allagartaqaraanni taanna ilanngullugu, kingusinnerpaamik decembarip 15-iani 2018 uagutsinnut apuutereersimassaaq, uungalu nassiunneqassalluni: napa@napa.gl
Oqaloqatiginninnerit 2019-mi sapaatit akunnerini 2-ni 3-niilu ingerlanneqassapput.

Kikkuuvugut? Kalaallit Nuaanni Nunat Avannarliit Piorsarsimassutsikkut Attaveqaataat nunatsinni nunanilu avannarlerni kulturikkut ingerlatanik ineriartortitsilluni, tapersersuillunilu kajumissaarisuuvoq, meeqqat inuussuttullu immikkut sammisaralugit. Taamaammat NAPA-mi makku qitiutippagut:

Uani annerusumik paasisaqarsinnaavutit: norden.orgwww.napa.gl

Annerusumik paasisaqarusuppit? Apeqqutissaqaruit Pisortatsinnut Mats Bjerde-mut attaveqarsinnaavutit uunga: mats@napa.gl