Tapiisartut peqatigalugit paasititsiniaaneq: Isiginnaartitsineq, tusarnaartitsineq, atuagarluunniit saqqummersinneq ajuligaq amusartumi pujoralannik katersuiinnarsinnaasarpoq. Piviusunngortikkusutaq sunaluunniit isumassarsinermit aallartittarpoq. Qinnuteqaali sunik imaqassava qanorlu missingersuusiortoqassava? Isumassarsiat piviusunngortinneq ajulersimagukku paasisitsiniaanermut Katuami marlunngorneq marsip 14-iani pisussamut peqataajartortoriannguarit.

Katuaq naatsumik unnuk qanoq ingerlassanersoq nassuiaallugu tikilluaqqusissaaq kingornalu saqqummiisussat tulleriiaarlutik qinnuteqarnerit periutsillu aaliangersimasut pillugit saqqummiissallutik. Saqqummiinerit naammassippata tusarnaariarlutik najuuttut saqqummiisunut qinnuteqaasiornissamut imal. isumassarsiat pillugit apeqquteqarsinnaajumaarput.

Saqqummiisussat tulleriiaarnerat

Tikilluaqqusineq: Eigil Petersen, Katuaq
Juullip Nipitittagaata Aningaasaateqarfia: Helena Jensen
NunaFonden: Steffen Petrussen
NAPA, nunani avannarlerni tapiisartut 3: Pipaluk Lind, Najâraq Egede og Mats Bjerde
Namminersorlutik Oqartussat Tips-ernermit Lotto-rnermillu aningaasat aamma kultureqarnermut aningaasaliissutaat: Nina Møller og Mika Lyberth
Katuaq: Varna Nielsen

Marlunngorneq marsip 14-iani 2018 nal. 19-22 Katuap Inersuaaraanut takkunniarna. Kissartoqarlunilu kaageeraqarumaarpoq. Aaqqissuussaq akeqanngilaq tamanullu ammalluni. 
https://katuaq.gl/da/Arrangementer/Oevrige-arrangementer/Foredrag-Kulturelle-Fonde