pillugu tamanut ammasumik oqallitsitsineq

Kalaallit Nunaanni innuttaasut tamarmik ”Naalagaaffeqatigiinnerup Oqaluttuassartaa” pillugu nangeqattaartuliaq KNR-TV- kkut sapaatip-akunnerini arfinilinni kingullerni isiginnaarsinnaanikuuaat. Ataasinngornermi pisussamik aaqqissuisut tamat oqalliseqataanissaannut aggersaapput. Siunissami oqallittarnissat kimeqarnerusumik tunngaveqarnissaat siunertaavoq.

Pingaarnertut saqqummiisussat tassaapput Nunatta Katersugaasiviani Allagaateqarfianilu pisortaq Daniel Thorleifsen, aamma Saammaateqatigiinnissamut Isumalioqatigiiffitap siulittaasua, Josef Therkildsen. Tusagassiortoq atuakkiortorlu Martin Breum, TV-kkut nangittaqattaartuliamut isumassarsisuullunilu ilusilersorneranut peqataalluinnartoq, TV-kkoorusiaq imaqarniliorlugu takutitaqassaaq.

Nipilersortartut Josef Tarrak aamma Nina Kreutzmann Jørgensen akunniliisarlutik appittassapput.

Oqallitsitsineq tamanut ammasoq kalaallisut ingerlanneqartussaq GUX Nuup isaariarsuani nal. 19-21 ingerlanneqassaaq. Qallunaatuumit kalaallisuumut piumaneqarpat nutserisoqartarsinnaavoq. Kaffeqarluni, teeqarluni kaageqassaaq. Oqallinneq KNR-TV- mit immiunneqassaaq kingusinnerusukkut nuna tamakkerlugu aallakaatinneqassalluni.

Annertunerusumik paasisaqarusukkuit Daniel Thorleifsen attaveqarfigisinnaavat tlf. 342201-imut sianerlutit.