Sverigemeersoq meeqqanut inuusullunullu atuakkiani tunngavigalugit akissarsisinneqarsimasoq Kalle Güettler nunatsinnut novembarimi tikeraarnermini Aasiaat, Maniitsoq Nuullu tikeraassavai

WORKSHOP’ERTITSINERIT ATUFFASSINERILLU
Kalle naapiguk atukkiaalu paasisaqarfiginerullugit:

13. novembari nal 16:00 Maniitsumi Atuakkanik atorniartarfik

15. novembari nal 19:00 Aasianni Atuakkanik atorniartarfik

18. novembari nal 13:00 Nunatta Atuagaateqarfia, Nuuk


Tamanut ammasumik aaqqissuussinerit saniatigut atuakkiortoq Nunanit Avannarlerneersoq atuarfinnut ilinniarnertuunngorniarfinnullu pulaassaaq, taakkunani meeqqat inuusuttullu sammisaqartissallugit.

Nordisk Forfatterbesøg – tassaavoq suliniut atuakkiortut (ukunanngaanneersut: Sverige, Kalaallit Nunaat, Finland, Island, Savalimmiut, Norge, Danmark aamma Åland) Nunami Avannarlermi allami atuarfinnut pulaarlutik meeqqat inuuusuttullu nammineq oqaatsitik atorlugit atuakkialeritinnissaannik siunertalik.

Aamma siunertaavoq meeqqat inuusuttullu Nunani Avannarlerni allani oqaatsinik atorneqartunik takullutillu tusaasaqarnissaat.

Suliniut aqqutigalugu atuakkiortoq qanimut naapinneqartarpoq, taamaasilluni aamma atuagaq uumassuseqarnerulersinneqartarluni.

Allamiut oqaasiisa allaaneruinnaanerat paasisimaneqarnerulertarpoq.

”Nuannaarutigeqaarput Kalle Kalaallit Nunaannut tikeraartissinnaagatsigu. – pingaartumik uumasupiluit – uagut nunatsinni oqaluttuatoqqatigut tusaamasartakkavut – atuakkiarisarmagit. Soqutiginassaqaaq!”, NAPAmi pisortaq Mats Bjerde, tikeraartitsinissamik ataqatigiissaarinermut akisussaasoq oqarpoq.

ATUAKKIORTOQ KALLE GÜETTLER

Kalle meeqqanut inuusuttunullu atuakkiarpaaloqarpoq, ilaatigut nangittaqattaartut uumasupilunnut tunngasut ”Lille Monster og Store Monster, taakkulu misilittagarpassui- soorlu “Monstre i knibe” (2018), Nunani Avannarlerni Siunnersuisoqatigiit nersornaasiuttagaannut ”Nordisk Råds Børne- og Ungdoms Litteraturpris”-imut innersuunneqarsimasoq: https://www.norden.org/da/nominee/aslaug-jonsdottir-kalle-guettler-rakel-helmsdal

Kallep nammineq nittartagaa: https://kalleguettler.wordpress.com/


”NORDISK FORFATTERBESØG” PILLUGU

Suliniut ”Foreningen Nordens Forbund”-imik isumagineqarpoq aningaasaateqarfiit Nordisk Kulturkontakt aamma NORDBUK tapiisoralugit. Nunatsinni NAPA - Nordens Institut i Grønland - isumaginnittuuvoq.

”Nordiske Forfatterbesøg”-ip nittartagaa: http://www.forfatterbesog.org/ 

Nunatsinnut atuakkiortut uku siornatigut tikeraarnikuupput Linda Bondestam (Finland) aamma Gro Dahle (Norge). Anguniagaq: Atuakkiortunik tikeraarteqarneq meeqqanut inuusuttunullu quliniit 16-inut ukiulinnut ilinniarnertuunngornianullu tulluartunik atuakkiorsimanissamik piumasaqaatitaqarpoq.


Ilanngussaq: Kalle Güettler, oktober 2018
Kalle Güettler Sverigemi Atuakkanik Atorniartarfimmi