27 septembarip 2019

Eqqumiitsuliaq “Imaginäre Öer” Nuummi Eqqumiitsulianik Saqqummersitsivimmi 2017-imi eqqumiitsuliortumit Sverigeminngaanneersumit Lotta Törnrothimit nivinngarterneqarpoq.
Imaginäre Öer isumaqarpoq qeqertat takorluukkat. Qalipaammit tungujortumit, Kalaallit Nunaatalu imaanit tiguseriarluni qeriseqqaariarlugit aatsinneqarsimasunit Lottap qeqertat pilersissimavai. Qeqertat tunngavigalugit Stine Lundberg Hansen taalliorsimavoq, qulequtaralugu 43 Øer og 44 Dage (Qeqertat 43-t aamma Ullut 44-t). Qeqertat taallallu maanna ataatsimut atuakkatut saqqummersinneqalerput. Saqqummersinneqarnera NAPA-mit aningaasaliiffigineqarsimavoq, Nuuk Nordiskillu nalaani saqqummersinneqalerluni.