Creative Business Academy Greenland novembarip 23-ani aallarniineq
Nunatsinni kulturerput immikkuullarippoq, nunatsinnilu pinngorartitsisartut pikkorissorpassuupput. Soorlu ilusilersuisartut, eqqumiitsuliortartut, atisaliortartut, filmiliortartut aamma nipilersortartullu. Inuussutissarsiutigalugu kulturilerisut aamma pinngorartitsisut niuernermut ilippanartut atorluarneq ajorpagut. Tamanna NAPAp allanngortikkusuppaa. Taamaammat niuernermik ineriartornermut tunngasumik kulturilerisunut pinngorartitsisunullu ilinniarfik pilersipparput.
Inuussutissarsiutigalugu kulturilerisut pinngorartitsisullu ineriartussagunik, taava pisariaqartitaat tunngavigalugit suliaq ingerlasariaqassaaq. Creative Business Academy novembarip 23-ani aallartikkuni kulturilerisut pinngorartitsisullu tusarnaarnissaat qitiussaaq. Creative Business Academy novembarip 23-ani nal. 18.30 NAPA-mi pisortatigoortumik saqqummiunneqassaaq.
“Ilikkarniarneq ukkatariniarlugu ilinniarfik pilersitsinnissaa isumassarsiaq pilersippoq; illuatungeriilluta ilisimasavut tunngavigalugit ilikkagaqarluta, nunat avatitsinniittut ilikkagaqarfigalugit aamma nunat allat Kalaallit Nunaanit ilikkagaqarrnissaat”, Søren Würtz, NAPA-mi Pisortaq oqarpoq.
Unnuk taanna nipilersornermik, filmiliornermik, assassornermik allallu eqqumiitsuliornermik suliaqartartunit saqqummiisoqarumaarpoq. Niuernermik ineriartortitsineq aamma nunanut allanut siaruarneq ukkatarineqassaaq. Kingorna inuussutissarsiutit assigiinngitsut qanoq tapersersorneqarsinnaanersut NAPAp isumamaa malillugu saqqumiiumaarpoq.
Creative Business Academy-p saqqummerneranut aamma nunatsinni inuussutissarsiutigalugu pinngorartitsisartut siunissaat ilusilersuineranut peqataagit. Unnuk taanna oqallinnerit pissangartut tusarnaarsissaat aamma isumassarsioqatigiinnissaq qilanaarpugut.
Aaqqissuussaq akeqanngilaq, tamulugassaqarlunilu kissartutugassaqassaaq.
Kulturilerinermik pinngorartitsinermillu inuussutissarsiutit pillugit misissuineq
Inuussutissarsiutigalugu kulturilersut aamma pinngorartitsisartut pisariaqartitaat qulaajarniarlugu NAPA nunatsinni misissueqqissaarniarpoq: Nunatsinni pinngorartitsisut kikkuuppat? Sinaakkutaat aamma anguniagaat suuppat? Unammilligassat suuppat? Ilaalu ilanngullugit.
Misissueqqissaarnermut sullinniakkat tassaapput kulturilerinermik pinngorartitsinermillu suliaqartut tamaasa – eqqumiitsuliortartut inuit ataasiakkaanut imaluunniit suliffeqarfinnut. Kulturilerinermik pinngorartitsinermillu inuussutissarsiutillit imaluunniit suliffip saniatigut sulisartunut. Imaluunniit siunissami eqqumiitsuliornermik piginnaasatik atorniarlugit sinnattuuteqartunut.
Misissuinermi kulturilerisut pinngorartitsisullu amerlasuut ilaatinniarnissaat siunertaavoq, taamaalilluni akissutit nunatsinni kulturilerisut pinngorartitsillutillu suliaqartut kikkuunersut ilisimaneqassaaq. Tamannalu nunatsinni pinngorartitsisunut niuernermut neqeeroorutinik pitsaanerusunik pilersitsinissaq tunngavilersuutaassammat.
NAPA pillugu:
Nunani Avannarlerni Piorsarsimassutsikkut Attaveqaat – NAPA tassaavoq suliffeqarfik kulturimut tunngasunik suliaqartartoq, Nunani Avannarlerni Ministerit Siunnersuisoqatigiivisa ataanni inissisimasoq, nunatsinnilu illoqarfiit pingaarnersaanni Nuummi allaffeqartoq. Kalaallit nunalu avannarlerni allani kulturilerisut inuunerannik ineriartortitseqataavugut, tapiisartuuvugut uummarissaasuullutalu, meeqqanut inuusuttunullu suliniutit salliutillugit. Inuuniutigalugu inuuniutiginagulu kulturilerisunut tapiisarpugut, soorlu aamma suliniutinik nammineq aallartitsisartuuvugut nunani avannarlerneersut kalaallillu kulturilerisut suleqatigalugit.
Nutaarsiassat takunngitsoorpigit?
Qimusseq // Glenn Gear aamma AneMarie Ottosen
NAPA-p juullerluarnissassinnut kissaateqarluta eqqumiitsuliaq ”Qimusseq”, isiginnaartunut eqqarsartaatsikkut eqqissisarnartoq, ingerlateqqipparput. Glenn Gear aamma AneMarie Ottosen qujaffigerusuppagut Suialaa Arts Festivalimi maannalu nittartagakkut tamanut takuneqarsinnaasumik suliaminnik avitseqataarusummata. Qimusseq titartagaavoq animationimik eqqumiitsuliaq, Glenn Gear (animation) aamma AneMarie Ottosen (manuskripti aamma oqaluttuarnera) qanimut suleqatigiillutik suliarineqarpoq. Eqqumiitsuliaq Suialaa Arts Festival 2025-mut
ALLATTA! Inersimasunut: PIFFISSALIUSSAQ KINGULLEQ NOVEMBARIP 30-AT
Inersimasunut allannermik unammisitsineq, Allatta! Inersimasunut, siullermik ingerlanneqartumut peqataarusuttut kingusinnerpaamik novembarip 30-anni nassiussisussanngorput. Ajugaasup eqqugassai: 59.000 kr. Ajugaaniunnermut peqataarusuttut pikkorissaasuat, Sørine Steenholdt, septembarip 28-anni naggammik pikkorissaalluni workshoppertitsissaaq. Workshoppertitsineq ingerlanneqassaaq toqqaannartumik ALLATTA! Inersimasunut facebookiata qupperneratigut. NAPA, Nunani Avannarlerni Piorsarsimassutsikkut Attaveqaatip, Kalaallit Atuakkiortut, atuakkanillu saqqummertitsisarfik Arctic Media peqatigalugit
NAPA Arctic Winter Gamesimut inuusuttunik isiginnaartitsisussanik ujartuivoq
Inuusuttut Kalaallit Nunaanni tamaneersut Arctic Winter Games 2026-imi kulturikkut aaqqissuussamut Canadami Whitehorsemi ingerlanneqartussamut misiliinissamut qaaqquneqarput. 14-it 20-llu akornanni ukioqaruit, kulturi, isiginnaartitsineq nunanullu allanut Kalaallit Nunaat sinnerlugu peqataanissaq nuannarigukkit, maannakkut Arctic Winter Games 2026-mi Canadami Whitehorsemi kalaallit kulturikkut aallartitaannut ilaanissamut periarfissaqarputit. NAPA – Nunani Avannarlerni Piorsarsimassutsikkut
Workshop: Kalaallit Nunaanni eqqumiitsuliornermik kulturimillu suliaqartunik ataqqinnittumik suleqateqarneq
Kalaallit Nunaanni najugaqarpit, eqqumiitsuliornermillu kulturimilluunniit suliaqarpit? Workshopimut peqataagit. Tassani Kalaallit Nunaata avataaneersut maani eqqumiitsuliornermik kulturimillu suliaqartunik suleqateqarusukkaangamik suut ilisimassagaat ataatsimoorluta oqaasertaliissavagut. Kalaallit Nunaat pillugu soqutiginninneq annertusiartorpoq. Tamanna suleqatigiinnernut nutaanut suleqatigeeriaatsinullu nutaanut pissanganartunik periarfissiivoq. Peqatigisaanik suleqatigiinnerit qanoq pilersinneqartarnissaat ingerlanneqartarnissaallu piumasaqaateqarfigineqarput. Taamaattumik suleqatigiinnissamut pitsaasumut tunngavissanik ataatsimoorussanik ineriartortitserusuppugut.