Arctic Winter Games 2026: Kulturikkut sammisassamut piginnaasanik takutitsinermut misilitsinneq
Illit 1/1-2005 aamma 31/12-2011 akornanni inunngorsimavit? 14 aamma 20-t akornanni ukioqarlutit? Kulturilerineq aamma isiginnaartitsineq soqutigisarilluinnarpigit? Canadami Whitehorseliarnissat marts 2026-mi sinnattoraajuk? Taava maanna tulliani Arctic Winter Gameseqartoqalerpat kalaallit kulturimik isiginnaagassiaat pilersitseqatigisinnaavat saqqummiullugulu. Videotut-qinnuteqaativit tigunissaa qilanaaraarput!
KINA ISIGINNAARTITSINISSAMUT PEQATAARUSUTTUTUT QINNUTEQARSINNAAVA?
Inuusuttut arfinillit Kalaallit Nunaanniit tamarmeersut 14 aamma 20-t akornanni ukiullit, kulturilerinermik isumaginnittussat ujarpagut.
QANOQ ILILLUNGA ISIGINNAARTITSINERMUT PEQATAANISSAMUT QINNUTEQARSINNAAVUNGA?
Mobilinni sivikitsumik videoliussaatit. Taanna 2-5 minutsti akornanni sivisussuseqassaaq. Kalaallisut, tuluttut qallunaatulluunniit oqalussinnaavutit.
Ugguuna nassiutissavat: napa@napa.gl
VIDEO SUMIK IMAQASSAVA?
Imminut oqaluttuarissaatit! Kinaavit? Ulluinnarni sulerisarpit? Suna sinnattoraajuk? Sooq ILLIT peqataassavit? Kinaassutsit takorusupparput. Pingaaruteqarpoq tamassuma videolianni ersersinneqarsimanissaa. Suna pikkoriffiginerlugu uatsinnut takutiguk. Nipilersortarpit? Erinarsortarpit? Qitinneq, eqaarsaarneq imaluunniit aalaneq nuannarilluinnarpigit? Uaajeertarpit, imaluunniit inngertarlutit? Oqaluttuartartuuit imaluunniit tissinarujussuaannarpit? Illit nammineq aalajangissavat, uatsinnut suna takutikkusunnerlugu – uagut qanoq pikkoritsiginersutit aamma suna illit nuannarinerit takorusupparput!
VIDEOLIARA KIA TAKUSSAVAA?
Video taamaallaat inunnit Arctic Winter Gamesimik suliaqartunit takuneqassaaq. Allanut pisortatigulluunniit avitseqatigineqarunnanngilaq.
KILLISSAMIK PIFFISSARITITAQARPA?
Eqqaamassavat videoliat kingusinnerpaamik ulloq august 27-at 2025 nal. 12.00 nassiutissagakku.
VIDEOLIARA NASSIUTEREERUKKU SUSOQASSAVA?
Uagut videot tamaasa misissussavagut aamma oqaloqatigineqartussanut ilaasussat toqqassallugit. Toqqarneqassaguit taava ukiaru atuanngiffeqarnermi Nuummut angalasariaqarnissat naatsorsuutigissavat.
Kikkut tamarmik videomik nassiussisut, nalunaarfigineqarumaarput oqaloqatigineqarnissamut toqqarneqarsimanerlutik kingusinnerpaamik ulloq 10. september.
Ingerlateqqiguk
Videoliavit takunissaa qilanaaraarput!
Arctic Winter Games tassaavoq nunani avannarlerni issittumilu peqataasunut timersornermik unammisitsineq pingaarnerpaaq.
Peqataasut Alaskameersuupput, Northern Albertameersuupput, Yukonimeersuupput, Nunavut, Nunavik, Northwest Territories, Kalaallit Nunaat, Finland aamma Norgemeersuupput.
Ikinngutigiinneq, kulturikkut paarlaasseqatigiinneq aamma timersornermik piginnaasaqarneq siuarsarneqarnissaat pingaartillugu Arctic Winter Games nunani avannarlerni inuiaqatigiit piginnaasaannik ileqquannillu takutitsivinngorsimavoq.
Nutaarsiassat allat
Atuakkamik saqqummersitsineq: Qilaappali Viktoria Joelsenimit
NAPA Arctic Medialu atuakkamik sisamanngornermi januaarip 23-anni nalunaaqutaq 16.30 saqqummersitsisoqarnissaanut qaaqqusipput. Atuakkap Qilaappali-p, Viktoria Joelsenimit allanneqartup saqqummersinneqarnera nalliuttorsiutigissavarput. NAPA-p atuakkialerinerup iluani suleqatigisartakkanni assigiinngitsut suleqatigalugit inuusuttut atuakkiortut allataat suliniummi “Allatta!”-meersut atuakkattut katersatullu 2013-imit saqqummersittarpai. Suliniummi Allatta!-mi kalaallit atuakkiortut nutaat aallartinnikuupput, soorlu Niviaq Korneliussen, Sørine Steenholdt aamma
Aningaasaateqarfiit tapiissutillu pillugit unnuk paasissutissiineq
Atuagaqarniarlutit, filmiliarniarlutit, nipilersukkanik saqqummersitsiartorniarlutit allatigulluunniit angalaniarlutit takorluuisarpit? NAPA Nunafondenilu pingasunngornermi januaarip 22-ani Katuap inersuaaqqaani aningaasaateqarfiit tapiissutillu pillugit paasissutissiinermut qaaqqusipput. Unnuk paasissutissiineq nalunaaqutaq 19.00-miit 21.00-mut ingerlanneqassaaq, aningaasaateqarfiit assigiinngitsut naatsumik saqqummiussissapput. Facebook-ikkut Youtube-kullu toqqaarnartumik isiginnaarneqarsinnaavoq. Saqqummiisussat: NAPA, Aningaasaateqarfik – Den Grønlandske Fond, Tips- aamma lotto-mit aningaasaliissutit, Eqqumiitsuliornermut
NAPA siunnersortimik suliniutinullu aqutsisumik sulisussarsiorpoq (atorfik ataaseq)
Nunani avannarlernit issittumiillu kulturit arlallit ataatsimoorfianni sulinissat soqutigaajuk? Nunani Avannarlerni Ministerit Siunnersuisoqatigiivisa ataanni amerlanata nukittuujullutali suleqatigiippugut, suleqatitaartussaallutalu! Suliassatta pingaarnersaat tassaavoq, issittumut tunngassutillit nunani avannarlerni takuneqarlutillu naleqartinneqarnissaat – tamanna anguniarlugu arlalinnik iliuuseqartarpugut. Suliassatit ilaatigut tassaassapput, NAPA-p nammineerluni kulturikkut suliniutaanik suliniutinik aqutsinerit, sammisassaqartitsilluni pikialaartitsinerit, qinnuteqartunik siunnersuinerit aamma
NAPA, Nunani Avannarlerni Piorsarsimassutsikkut Attaveqaat siunnersortissarsiorpoq
Nunani avannarlermiut arlalinnik kulturillit issittumi ataatsimoorfianni sulerusuppit? Uagut Nunani Avannarliit Ministeriisa Siunnersooqatigiivisa ataanni nunat avannarlermiutut suliffeqarfeeraavugut sulerusussuseqarluartunik sulisulik, suleqatitaarusuppugullu! Uagut pingaarnerpaatut suliassaraarput Issittormiut isiginnittariaasiannik takunnissitsisinnaalernissaq, tamassumalu akuersaarneqarnissaa – amerlasoorpassuartigullu taamaaliortarpugut. Illit pingaarnerpaatut suliassaraat Kulturimut tapiisarfitsinnut qinnuteqartartut siunnersortarnissaat aamma taassuminnga kiisalu nunat avannarlermiunut tapiissuteqartarfiit programmit allat