Aningaasaateqarfiit tapiissutillu pillugit unnuk paasissutissiineq
Atuagaqarniarlutit, filmiliarniarlutit, nipilersukkanik saqqummersitsiartorniarlutit allatigulluunniit angalaniarlutit takorluuisarpit?
NAPA Nunafondenilu pingasunngornermi januaarip 22-ani Katuap inersuaaqqaani aningaasaateqarfiit tapiissutillu pillugit paasissutissiinermut qaaqqusipput.
Unnuk paasissutissiineq nalunaaqutaq 19.00-miit 21.00-mut ingerlanneqassaaq, aningaasaateqarfiit assigiinngitsut naatsumik saqqummiussissapput. Facebook-ikkut Youtube-kullu toqqaarnartumik isiginnaarneqarsinnaavoq.
Saqqummiisussat: NAPA, Aningaasaateqarfik – Den Grønlandske Fond, Tips- aamma lotto-mit aningaasaliissutit, Eqqumiitsuliornermut Aningaasaateqarfik, Tapiissuteqartarfik Sermeq, Nuna Fonden, Nuummi Najukkami Ataatsimiititaliaq.
Unnummi tamatumani ima pilersaaruteqarpoq:
19:00–19:05: Susanne Andreasenip, NAPA-mit tikilluaqqussineq
19:05–19:13: NunaFonden
19:13 – 19:20: Eqqumiitsuliornermut Aningaasaateqarfik
19:20–19:27: Tips- aamma lotto-mit aningaasaliissutit
19:27–19:35: Aningaasaateqarfik – Den Grønlandske Fond
19:35–19:45: Tapiissuteqartarfik Sermeq, Nuummi Najukkami Ataatsimiititaliaq.
19:45–19:55: NAPA – Kulturimut tapiisarfik aamma Nunat Avannarliit Issittumi tapiisarfia.
19:55–20:05: Pause
20:05–21:00: Apeqqutit
Iserneq akeqanngilaq kikkunnullu tamanut ammalluni, saqqummiussinerup kingorna apeqquteqartoqarsinnaallunilu siunnersuisoqarsinnaavoq.
Neriuppugut aaqqissuussaq ukiumoortumik ingerlanneqartalissasoq, unnuullu isumassarsiffiullunilu attaveqaqatigiinnissamut periarfissaqarfiunissaa qilanaaraarput.
Unnummi tamatumani peqataagit.
Paasisaqarnerorusukkuit uunga saaffiginnittariaqarputit:
Pisortaq: Susanne Andreasen
susanne@napa.gl
Attaveqaqatigiinnermut akisussaasoq: Malik Brøns
malik@napa.gl
Nutaarsiassat takunngitsoorpigit?
Eqqumiitsuliorneq kulturilu piujuartitsinissamut siuarsaaqataasinnaapput
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund (IA) Nuuk Nordisk Kulturfestivalimi oqalugiarpoq. Pinngortitaq inunniit anginerusoq eqqaasippaa. Uagullu inuusugut iliuuseqanngikkutta nunarsuarput piuneerukkiartorumaartoq Kalistat aamma oqarpoq. Kulturi iliuuseqarnissatsinnut periarfissiisinnaavoq. Nunat Avannarliit Ministeriisa Siunnersuisooqatigiiffiat maajip 26-iani 2023 Nuuk Nordisk Festivalimi ”Nunat Avannarlerni piujuartitsineq/mingutsitsinnginnerunissaq: Eqqumiitsuliorneq kulturilu siuarsaasut?” pillugu aaqqissuusivoq. Tassunga
Creative Business Academy Greenland novembarip 23-ani aallarniineq
Nunatsinni kulturerput immikkuullarippoq, nunatsinnilu pinngorartitsisartut pikkorissorpassuupput. Soorlu ilusilersuisartut, eqqumiitsuliortartut, atisaliortartut, filmiliortartut aamma nipilersortartullu. Inuussutissarsiutigalugu kulturilerisut aamma pinngorartitsisut niuernermut ilippanartut atorluarneq ajorpagut. Tamanna NAPAp allanngortikkusuppaa. Taamaammat niuernermik ineriartornermut tunngasumik kulturilerisunut pinngorartitsisunullu ilinniarfik pilersipparput. Inuussutissarsiutigalugu kulturilerisut pinngorartitsisullu ineriartussagunik, taava pisariaqartitaat tunngavigalugit suliaq ingerlasariaqassaaq. Creative Business Academy novembarip
NAPA-mi sulisut: Ivaana Olsvig Brandt
NAPA-p sunik suliaqarnera ilarpassuasi nalugunanngilaat, kisianni kikkuuvugut? NAPA-mi nunanit avannarlernit sisamanit — Kalaallit Nunaannit, Danmarkimit, Norgemit Finlandimillu — maanna sulisoqarpoq. Ullumikkut aaqqissuussinermut ataqatigiissarisutut ilinniartoq Ivaana Olsvig Brandt. Ivaana Danmarkimi Odensemi inunngorpoq, tallimanik ukioqarlunili Nuummi najugaqarsimavoq. Københavnimi NEXT-imi aaqqissuussinermik ataqatigiissaarisutut ilinniarpoq. Maannakkut NAPA-mi ilinniarpoq misilittagaqalerniarluni. NAPA-mi
Kalaallit Nunaanni kulturikkut eqqumiitsuliornermillu inuussutissarsiuteqartut pisariaqartitaannik misissuineq
Nunatsinni kulturerput nukittullunilu assigiinngitsorpassuarnik tunuliaqutaqarpoq – kisiannili tamatumani sinaakkutit pisariaqartitat periarfissallu pillugit ilisimasat killeqarput. Taamaattumik NAPA 2023-mi pisariaqartitanik misissuinermik aallartitsivoq, taannalu tunngavigalugu kulturikkut eqqumiitsuliornermillu suliaqartut suliffeqarfiillu niuernikkut periarfissaat nukittorsarneqassapput. 2023-mi aamma 2024-mi NAPA apeqqutinik immersugassamik, kalaallisut, qallunaatut tuluttullu pissarsiarineqarsinnaasumik, katersuivoq. Inuit katillugit 170-it misissuinermi peqataapput.